以斯拉记 7章12节 到 7章28节   背景资料  上一笔  下一笔
Chit段经文是记载亚达薛西皇帝hō͘以斯拉ê诏书。因为tī第6节有记载因为以斯拉有上帝特别ê赐福,因为án-ne,伊要求皇帝亚达薛西ê每件事,皇帝lóng会答应伊,这mā表示亚达薛西kah以斯拉之间有真好ê互动关系。

第11到12节,chit两节讲亚达薛西皇帝肯定以斯拉tī研究摩西律法上ê成就。

第13到16节,chia提起另外一批回乡潮。而且亚达薛西皇帝iáu派伊ê「七个参谋」跟tòe以斯拉同齐tńg来耶路撒冷kah犹大各去巡视,看in是m̄是有遵行摩西律法。M̄-nā án-ne,伊iáu托chiah-ê参谋带去伊ê捐献,做圣殿ê需要,并且讲以斯拉tī波斯帝国统治区内所徵收ê钱,lóng是beh捐hō͘圣殿ê路用。

第17到20节,顶面所讲ê钱,tio̍h用teh献祭ê需要上,除此外,以斯拉thang kāchhun落来ê钱,用tī伊认为妥当ê所在。若有无够,thang tùi波斯帝国ê国库支付。

第21到24节,chit段经文讲皇帝命令河西省ê财政官员,一定tio̍h全力帮助以斯拉,凡伊所需要ê经费lóng要编列出预算,mā订出hō͘ in以斯拉ê siōng koân额度。Koh khah特别ê是亚达薛西皇帝hō͘参与圣殿服事ê人lóng全部免税,连工人mā仝款免税。

第25到26节,chit两节等等于是皇帝任命以斯拉成做治理河西省ê总督仝款,赋予伊有极大ê行政裁量权。

第27到28节,是用斯拉对上帝ê o-ló,因为如果无「得tio̍h上帝ê帮助」(第9节),伊无可能án-ne顺利完成顶面所讲chiah-ê工作,特别是tī重新抄写经卷ê工作上koh khah无可能。作者有意表示:亚达薛西皇帝对以斯拉抄写旧约圣经ê工作有绝对ê贡献。

重新查询 专卷研经 以斯拉记系列
错误回报,请联系comm[@]fhl.net