以斯拉记 5章1节 到 5章17节   背景资料  上一笔  下一笔
Chit章主要teh说明犹太人koh开始进行重建圣殿ê工作,却koh一pái tú-tio̍h阻扰。M̄-koh chit pái开始有无仝ê转变,原因是出现传出ài in继续建造圣殿ê人,就是先知哈该kah易多ê kiáⁿ撒迦利亚。既然上帝ê奴仆传出信息,表示上帝必定会处理chiah-ê障碍,ná亲像第5节所讲「上帝看顾犹太人ê父老领袖」,他hō͘波斯chiah-ê告状ê官员想beh等到皇帝回覆命令后chiah开始进行必要ê干涉搅扰行动。Koh讲,mā因为上帝会处理chiah-ê障碍,因为án-ne,「chit项工程进行得非常慎重,koh真顺利。」

第1到2节,一开始就提起哈该kah撒迦利亚chit两位先知,in是奉上帝ê名向tòa tī犹大kah耶路撒冷ê犹太人传讲信息,表示in有得tio̍htùi上帝来ê启示。Á回乡ê犹太人领袖中,所罗巴伯和耶书亚听tio̍h了chit两位先知传达ê上帝信息,就án-ne重新启开建造圣殿ê工程,这就是kah第一章24节提起「重建耶路撒冷圣殿ê工程被迫停止」ê事有关。Thang理解先知哈该年纪khah长,撒迦利亚少年,因为án-ne,伊辅佐年老ê先知哈该。

第3到5节,就tī hit时chūn,波斯帝国ê河西省长kah伊ê幕僚听tio̍h犹太人又ài动工重建圣殿,就问in是甚么人下令in thang做chit件事?Mā向in讨所有帮助重建圣殿ê名单,准备向皇帝报告chit件事。就tī chit时chūn,因为是上帝ài in重建圣殿,因为án-ne,上帝mā hō͘波斯官员无随时采取行动去阻止,而是beh等待皇帝ê回覆。

第6到8节,河西省官员ê报告中,提起圣殿已经koh开始动工,而且用大ê石头修建,而且工程进行得非常慎重koh顺利。

第9到10节,chit两节提起chiah-ê官员有询问过甚么人下令允准in重建,而且收集到à关系参与重建圣殿ê名单,呈报hō͘皇帝。

第11到16节,chit段经文是犹太人回答关系chiah-ê地方官员询问ê内容。Tī chit段回答中,提起几个重点:一是这间圣殿是上帝所同意in祖先建造ê。二是后来因为祖先得罪上帝,上帝hō͘巴比伦王来惩罚in,并kā圣殿毁坏。三是波斯王塞鲁士起来取代巴比伦后,下令in重建此圣殿,并且kā过去所有被巴比伦搜刮ê圣殿贵重物件lóng归还。四是主要规划重建ê人就是设巴萨。

第17节,chiah-ê官员上册皇帝,希望ē-tàng查阅皇室资料,看是m̄是真正bat同意in tī原地重建圣殿chit款tāi-chì。

重新查询 专卷研经 以斯拉记系列
错误回报,请联系comm[@]fhl.net