使徒保罗ê时代，奴隶是社会ê制度之一，因为án-ne，伊并无反对当时社会买卖奴隶ê作法。M̄-koh，伊强调奴隶是因为sàn-chhiah而卖身，主人出钱买奴隶ê时chūn，tio̍h心存「帮助」一个sàn-chhiah人ê态度看待chit-ê人，m̄是kā它当做「货物」á是「私有财产」，因为无论甚么人，性命ê主人是上帝。

第5到8节，tī使徒保罗ê时代，养奴隶是正常ê，因为奴隶制度tī古代社会普遍存在，因为án-ne，圣经mā有关系对待奴隶ê律法规定。摩西ê律法án-ne写tio̍h：「你ê 兄弟中，若有一个希伯来êcha-po͘ 人，á 是希伯来 ê cha-bó͘ 人卖 hō͘你，服事你六年，到第七年，就tháu 放hō͘ 伊去自由。13 你 tháu 放 hō͘ 伊去自由 ê 时，m̄ -thang hō͘ 伊空手去，14 tio̍ htùi 你ê 羊群，五谷场，酒窟中，the̍h 真chē 来 hō͘ 伊；照上主 — 你 ê 上帝所赐福你 ê 来 hō͘ 伊。15 Tio̍ h 会记得你 tī 埃及地做奴隶，上主—你ê 上帝救赎你；因为án-ne，我今á 日命令你chit-ê tāichì。(全民版)」（申命记十五：12—15）另外在出埃及记第廿一章1到6节，利未记第廿五章39到46节、第47到55节等等经文，lóng有提起关系奴隶ê问题。Tùi顶面所讲律法规定，thang清楚看tio̍h一件事：无终生无法度赎回ê奴隶，而且bē-tàng虐待奴隶，因为以色列人民bat tī埃及当过奴隶。因为án-ne，tī第七年，mā就是「禧年」ê时，一定会释放奴隶，而且一定tio̍h hō͘奴隶有「伴手礼」thang带tńg来。如果有亲人因为sàn-chhiah卖身为奴，近亲有责任tùi主人处kā伊赎tńg来。

使徒保罗teh谈奴隶ê事ê时，有一个基本要件是：chiah-ê奴隶是因为sàn-chhiah而卖身ê。因为án-ne，伊一定tio̍h是因为家己需要生存而卖身为奴隶、而主人出钱买伊，mā有「资助」伊ê用意。这就kah-ná是「以工代赈」ê关系一般。Koh讲，使徒保罗ài做奴隶ê人，tī伊ê本份上尽忠，因为工作是为tio̍h 回报上帝造人ê时ê疼，却m̄是为tio̍h beh讨人ê欢喜chiah做。

第9节，使徒保罗siōng特别ê所在，是伊teh劝勉人ê时chūn，lóng bē bē记得圣经ê教示。伊要求当主人ê一定tio̍h好款待奴仆，如果当主人ê无良善ê心对待奴隶，是ài面对上帝ê审判。好款待奴隶，就是teh为上帝ê疼做见证。