Chit章应该续接tī第三十二章48到52节后面chiah顺。Chit章thang讲是tùi出埃及记到申命记ê一个总结，是摩西故事ê完结篇。Chit章是记载摩西ê死kah安葬。Mā tùi chit章thang知影所谓「摩西五经」是出tī摩西ê手所写ê，m̄-koh chit种讲法并无完全正确。因为如果是摩西所写ê，伊bē写「上主kā伊埋tī伯・比珥城对面ê摩押山谷；直到今á日，无人知影伊埋葬ê所在」chit种话句。比较khah正确ê讲法是：申命记有真chē资料，是摩西时代流传落来ê，特别是真chē律法规章，lóng kah摩西ê基本教导有密切关系。M̄-koh，经过整理，加添了真chē晚期ê资料。

Chit段经文续接第三十二章末尾提起摩西无法度进入迦南地，m̄-koh上帝hō͘伊到「尼波山」，tī耶利哥城对岸ê「比斯迦山」山顶上眺望pôaⁿ过约旦河ê迦南地美景。

Mā可能对摩西来讲，无进入迦南地，只有ē-tàng隔岸观望，是性命中一大遗憾，m̄-koh这mā说明自古以来一个现象：开拓前程者，并m̄是享受者。In ê伟大在tī开拓一个美好ê远景hō͘后代kiáⁿ孙。

第4节，上帝强调他履行了对以色列人民祖先亚伯拉罕、以撒、雅各等人ê应允，表示chit种应允之约，会继续流传到后代kiáⁿ孙。