Chit段经文说明上帝子民kah迦南地人民之间ê差别。迦南地人听从hiah-ê巫师行法术来指点性命方向。M̄-koh上帝子民有上帝奴仆来带领in遵行上帝ê律法诫命。

第14到15节，上帝beh tùi以色列人民中间兴起一位「像我仝款ê先知」，chit句话一再hō͘人认为是新ê拯救者会来临。像摩西仝款，表示to̍h是teh beh来临ê chit位拯救者，是先知ê典范，thang面对面kah上帝讲话，而且不自私，只为人民生存向上帝祈求ê人。

第16到20节，chit段经文真清楚说明chit位先知ê态度：1.以色列人民犯罪ê时，会向上帝恳求赦免怜悯；2.讲上帝ài伊讲，而且一一地转告hō͘以色列人民；3.chit位先知就是上帝ê代言人，绝对m̄是假先知，乱用上帝ê名传讲虚假ê信息，却是忠实tī上帝ê奴仆。

第21到22节，chit两节教导以色列人民怎样分辨出真假先知，因为真先知传讲上帝ê信息，上帝一出，必定会实现。假先知就m̄是án-ne。