使徒行传 9章26节 到 9章31节   背景资料  上一笔  下一笔
扫罗tú出来传福音ê时,m̄-nā tī大马士革有人质疑,伊tńg来到耶路撒冷ê时,大家「lóng惊伊」,无人「相信伊是门徒」。因为司提反ê事件,大家记忆iáu新。

第27到30节,上帝ê圣神做工,感动巴拿巴,伊就是tī教会开始之初,捐出家己ê田地,kā钱交hō͘使徒kah大家同齐分享ê信徒(参考四:36—37)。后来tī安提阿教会,伊kah扫罗同时被差派去传福音。Tī圣神感动下,巴拿巴主动出面来见证扫罗归属耶稣ê经过,以及说明扫罗tī大马士革见证福音ê事。因为án-ne,耶路撒冷ê信徒chiah敢接纳扫罗,并且得tio̍h机会「大胆地传道」。M̄-koh犹太人开始讨厌伊,想beh杀害伊。耶路撒冷ê信徒就帮助伊逃离耶路撒冷,hō͘伊往大数伊ê故乡去。

第31节,chit节真重要,说明tī当时已经有建立kúi-nā间教会,包括有耶路撒冷ê,iáu有加利利、撒马利亚等地lóng有。因为无扫罗积极迫害基督徒ê事件发生,因为án-ne基督徒有一段安宁ê时间,就án-ne,教会tī「圣神ê扶助下建立起来,人数日日增加」。

重新查询 专卷研经 使徒行传系列
错误回报,请联系comm[@]fhl.net