使徒行传 25章1节 到 25章12节   背景资料  上一笔  下一笔
新任ê总督是非斯都。当伊去耶路撒冷巡视ê时chūn,祭司长kah犹太人领袖iáu是忘不了使徒保罗ê案子。In要求kā使徒保罗送tńg来到耶路撒冷来审判,m̄-koh伊无答应。伊答应chiah-ê犹太人领袖thang上该撒利亚来控告使徒保罗。

第6到7节,chiah-ê犹太人领袖跟tòe非斯都去该撒利亚,并且真紧to̍h开庭审理案子。M̄-koh控告者iáu是仝款无具体ê证据,这显示in提告ê罪名并m̄是真实。

第8节,使徒保罗真清楚表明伊无违反罗马帝国任何律法,mā无ná亲像chiah-ê犹太人领袖所讲ê,做任何违反律法ê tāi-chì。

第9节kah第廿四章27节情形仝款,chit两位总督lóng是为tio̍h「beh讨好犹太人」,chit种情形mā kah耶稣受审ê时,彼拉多为tio̍h beh「讨好群众」,kā审问bē出有罪ê耶稣判了钉十字架ê死刑仝款(参考马可福音十五:15)。

第10到11节,「我beh向皇帝上诉」这是使徒保罗最后ê答辩。伊有罗马公民权,因为án-ne当伊要求上诉罗马皇帝ê时chūn,任何总督á是teh指挥官lóng一定tio̍h答应。问题是伊为甚么beh上诉罗马皇帝?除了是第廿三章11节,koh活ê主向伊启示之外,可能iáu kah罗马皇帝驱逐罗马城ê犹太人事件有关,而chit项事件koh hō͘人认为kah基督徒有密切关系,因为án-ne ē-tàng看出使徒保罗ê用心,伊是想替早期ê基督教会辩护,beh hō͘罗马皇帝知影:基督徒其实在信仰kah社会生活上是要求真严格ê,kah犹太人激进党派ê人ê时常制造叛乱ê事件无关。

重新查询 专卷研经 使徒行传系列
错误回报,请联系comm[@]fhl.net