前段讲所罗门有聪明智慧，因为án-ne，伊thang kā国家治理得真好，特别是tī政治、外交上真成功，hō͘国家ê版图无需要用武力就ē-tàng达成扩疆辟域ê效果。

Chit段经文主要说明所罗门tī经济发展上有真突出ê成就，chiah-ê成就lóng kah上帝赐hō͘伊ê智慧有密切关系。伊结合政治、外交、经济，hō͘以色列国家强盛达tio̍h siōng高峰ê境界。

第13到16节，chit段经文描写所罗门执政时代，m̄-nā头前所讲ê航海船队带tńg来真chē贸易成果，伊mā抽商人ê税，以及附近国家进贡ê收入，单单是黄金就chē到无法度thang数。

第17到24节，chit段经文描写所罗门m̄-nā奢华，明明是奢华过度，伊确实真富有，按照chia ê描写，伊差不多是全世界上siōng富有ê君王。只因为为伊是一个上帝赏赐智慧ê君王。Mā因为án-ne，有真chē君王可能受tio̍h示巴女王ê影响，mā想beh来tùi伊身上获取智慧，lóng纷纷带贵重礼物来见伊。Chiah-ê礼物包括金器、银器、衫裤、武器、香料、马匹、骡子等。

第25到28节，chit段经文讲述所罗门mā强化伊ê国防，m̄-nā有真好ê军事装备，mā有真稳定ê疆域，m̄免担心外族人入侵。雄厚ê财力，是伊thang安稳ê基础。M̄-koh chit种基础若是无上帝ê赐福，最后mā会消失。

第29到31节，chia提起几种以色列文献，包括有「先知拿单史、示罗人亚希雅预言册，kah先见易多异象等册。Chia mā提起所罗门执政共计四十年，kah伊ê老父大卫王仝款。死后由伊kiáⁿ罗波安继位。