历代志下 4章1节 到 4章22节   背景资料  上一笔  下一笔
Chit章是继续teh描述建造圣殿ê工程,chit章特别提起圣殿里ê各种器具,chiah-ê lóng kah敬拜献祭ê时所使用ê器材有关,包括祭坛kah祭坛顶使用ê锅á、铲子、碗等物,祭司行洁净礼所需要洗涤ê盆子(铜海),以及灯台等等。

第1到6节,开始就绍介「铜祭坛」,这是献牲祭用ê。续落来是「铜海」,这是祭司teh献祭chìn前,一定tio̍h先洁净家己ê手kah脚。特别ê是,铜海是安置tī有「十二头铜牛」ê背上,这「十二」真清楚teh表明以色列十二支派。然后,另外造「十个铜盆」,这是用来清洗切做块ê烧化祭ê物。
第7到8节,chit两节提起圣殿内部有「十个金灯台,十张桌á」,这是供桌,beh khǹg供饼用ê,一百个金碗,这碗就是放供饼tī其中。

第9到10节,圣殿里mā有祭司ê「内院」,这是供给祭司歇困、换衫裤ê所在。Chia是只有祭司chiah thang进入。Á「外院」是利未人mā thang进入ê所在。无论内院á是外院,门lóng是用铜包teh。擦亮ê时会金光闪闪。

第11到16节,chit段经文列出了户兰chit位工匠师傅为耶路撒冷圣殿所做ê工作清单。作者先讲祭坛ê物件,包括有锅á、铲子、碗等器皿。续落来绍介ê lóng是kah铜器有关各种ê器物。Chiah-ê铜器lóng擦拭ê非常亮眼。

第17到18节,chit两节非常有意思,hō͘读者清楚知影早tī三千多年前,人类已经知影怎样开发矿产,特别是铜矿,当然顶面所讲会提起黄金,就表示金矿、银矿、铁矿等贵重金属ê运用tī人类ê历史上已经有真长一段时间。作者tī chia强调,因为圣殿使用siuⁿ chē ê铜,明明是无法度估计用去jōa-chē铜。

第19到22节,chit段经文提起圣殿里ê供桌、金坛、灯台等物件,有kóa是用铜,m̄-koh mā有bē少纯金打造。M̄-koh值得注意ê,是圣殿外面ê门kah至圣所ê门,lóng是用纯金包起来,可见整座圣殿看起来,内外lóng是金碧辉煌。

重新查询 专卷研经 历代志下系列
错误回报,请联系comm[@]fhl.net