Chit章主要记载上帝怎样帮助犹大王希西家对抗亚述皇帝西拿基立ê侵犯。Chit件事大约是发生tī主前701年ê时chūn，hit时北国以色列已经被亚述帝国消灭了（主前721年）。亚述既然ē-tàng消灭比犹大iáu koh khah强大ê北国以色列，beh消灭犹大实在是ná亲像探囊取物仝款ê容易。M̄-koh圣经作者一再强调，决定胜负ê是上帝（参考历代志下廿五：8）。诗篇ê诗人mā有chit种讲法（参考诗篇三十三：16—18）。

因为希西家kah先知以赛亚「向上帝祈祷，呼求帮助。上主差遣天使kā亚述军队ê将领kah官长lóng歼灭」，m̄-nā án-ne，iáu hō͘亚述皇帝西拿基立为tio̍h án-ne事hō͘伊ê众细kiáⁿ hō͘谋刣死。作者认为亚述皇帝西拿基立会án-ne有chit种结果，主要是因为伊污辱了全能ê上帝ê缘故。上帝根本就m̄免出一兵一卒，他只「差遣天使kā亚述军队ê将领kah官长lóng歼灭」。

Chit章记事thang对照列王记下第十八章来看，就会发见历代志作者对犹大王希西家ê软弱部分修饰了bē少。亲像作者不提有关希西家bat kā圣殿kah王宫宝库里ê银á kah圣殿门上ê金子，以及包tī圣殿门柱上ê金子等，lóng送hō͘亚述王西拿基立，请求伊m̄-thang攻打耶路撒冷。M̄-koh，因为西拿基立并bē满足希西家王进贡chiah-ê物件，想beh夺取koh-khah chē，连希西家派去请求西拿基立hō͘ in犹大生存ê机会ê三个特使，mā遇tio̍h亚述皇帝西拿基立ê侮辱，án-ne chiah逼kah希西家只好走chhōe先知以赛亚ê协助。

仝款ê chit段记事mā记载tī以赛亚书第三十六章。Thang看tio̍h先知以赛亚确实hō͘ in希西家真chē鼓舞，ài伊ài有坚定ê信心óa靠上帝，mài惊亚述。上帝一定会替伊phah败亚述大军，而最后先知以赛亚ê话果然应验ā。

Chit段经文是描写亚述皇帝西拿基立准备来进攻耶路撒冷。Á犹大王希西家m̄-nā不惊惶，iáu鼓舞城内ê犹大人民tio̍h勇敢，深信上帝会帮助。Á亚述皇帝派出使者来到耶路撒冷城下，讲了真chē侮辱ê话，m̄-nā侮辱希西家，mā侮辱了耶路撒冷ê犹大人民，甚至连上帝mā侮辱à。先知以赛亚替犹大人民向上帝祈求，结果亚述大军hō͘ 上帝差遣天使hō͘ in歼灭，并且亚述皇帝西拿基立回国了后，mā hō͘家己ê kiáⁿhō͘刺杀。

第1节，chia讲就tī希西家忠心事奉上帝ê时，tú-tio̍h强猛ê亚述帝国来侵犯。亚述帝国ê皇帝西拿基立chìn前已经消灭了北国以色列，taⁿ继续南下想beh一举消灭犹大。伊先kā犹大ê设防城市攻陷落来，进一步koh准备攻落耶路撒冷。

第2到4节，这是非常危急ê一件事，为tio̍h beh防止亚述攻落耶路撒冷，希西家看见情况危急，就紧急下令kā水源切断，hō͘亚述ê军队无法度得tio̍h水源而会知难而退。

第5到8节，另外一方面，希西家mā积极修筑防御工事，m̄-nā是防御堡垒，mā包括枪械军器等。然后，伊koh对全体人民讲鼓舞ê话，ài大家坚信上帝，深信上帝一定会帮助耶路撒冷抵挡会tiâu亚述ê大军，并且kā它击退。

第9到15节，这是亚述皇帝西拿基立派出特使去对希西家kah耶路撒冷城ê犹大人民讲话。Tī chit段心战干涉搅扰ê喊话中，表示只要亚述想beh夺取ê城池，无任何一个神明ē-tàng抵挡得，mā无法度救。In ài耶路撒冷城ê人民m̄-thang相信希西家ê话，无任何一个神明ē-tàng保得tòa亚述ê进攻。

第16到19节，chiah-ê特使m̄-nā侮辱希西家，mā侮辱全能ê上帝，讲chit位特别眷顾希西家ê耶和华上帝，根本就无能力保护耶路撒冷。In恐吓hit-ê城ê犹大人民。

第20到21节，chia讲希西家kah先知以赛亚向上帝祈祷，呼求上帝ê帮助。就tī亚述大军kah皇帝西拿基立非常嚣张ê时chūn，上帝差遣天使进入亚述大军ê军营中，kā in ê将领kah军官lóng歼灭。Chia并无记录亚述死去jōa-chē兵员，在列王纪下第十九章35节；以赛亚书第三十七章36节等等处经文，lóng有记载上帝ê天使进入亚述营房中，共计刣死了十八万五千人。Hō͘皇帝西拿基立大惊恐慌，赶紧落走tńg去尼尼微城。历代志作者tī chia讲伊是「满面见笑地tńg来本国去」。M̄-koh有一工，西拿基立亲生ê两个kiáⁿ，就是「亚得米勒kah沙利色」kā伊刣死了（参考以赛亚书三十七：38）。

第22到23节，因为chit件事，hō͘犹大王希西家lóng受附近国家、族群ê尊重，m̄-nā kah犹大国和平相处，mā纷纷来耶路撒冷来朝圣kah向希西家进贡。