历代志下 14章1节 到 14章15节   背景资料  上一笔  下一笔
Tùi第十四到十六这三章lóng是记载关系亚比雅ê kiáⁿ亚撒王ê事迹。亚撒续接作犹大王ê年代,大约是tī主前910到869年,前后长到四十一年。历代志作者绍介亚撒ê篇幅,mā比起列王记作者所记载ê iáu长(参考列王记上十五:9—24)。作者tī chit三章ê篇幅中,以一个「óa靠上帝,就必得胜;弃sak上帝,一定失败」chit种主题来提醒所有ê人。作者用四件主要记事来描述亚撒:

一是tī十年ê太平期间,亚撒王极力推动宗教改革,包括废除偶像神明ê崇拜(第1到8节)。

二是kah古实王谢拉ê战争,因为亚撒走chhōe上帝ê帮助而得tio̍h胜利(第9到15节)。

三是伊进行第二pái宗教改革(第十五章1到19节),chit pái改革主要内容除了继续废除偶像外,并「修造立tī圣殿庭园里ê上主ê祭坛」,而且带领人民koh一pái kah上帝立约,表明beh顺服上帝。

四是亚撒王kah伊ê a祖所罗门、阿公罗波安、老父亚比雅等仝款,lóng是tī tú-tio̍h困难ê时无koh走chhōe上帝ê帮忙,m̄是弃sak上帝,去拜偶像神明,就是去走chhōe外国势力ê协助,bē记得上帝chiah是in ê救主、拯救者,因为án-ne引起上帝ê受气,无koh看顾伊。Chit-má koh khah严重ê,就是当先知哈拿尼去警告亚撒ê时,伊听了后,m̄是马上悔改认罪,却是气到下令kā先知哈拿尼关了起来(第十六章7到10节),表示拒绝上帝ê话。

    第1到5节,chit段经文thang看出亚撒治理犹大国之初ê十年,确实是一个真bē-bái ê君王。伊m̄-nā「广行善事,行为正直」,而且是「做上主—伊上帝认为对ê事」,表示伊对上帝非常忠心,扫除偶像、祭坛,并且命令犹大人民一定tio̍h走chhōe祖先ê上帝,服从上帝ê命令kah旨意。

	第6到8节,除了tī宗教信仰上带领人民对上帝忠心,另外一方面,伊mā积极国防建设,kā每座城lóng强化防御工程,koh tī军队ê装备上更新,并且训练军队ta̍k个lóng成做英勇ê战士。

	第9到11节,tī历代志作者ê笔下,犹大亚撒是一个对上帝忠心ê国王,当伊看见古实(埃及)王带领一百万大军来进攻犹大ê时,伊第一个想tio̍h ê,就是祈求上帝ê帮助,伊深深知影只要有上帝出手,任何大军lóng会败溃。Tī第11节ê「上主ah,你ē-tàng帮助弱小ê军队,也ē-tàng帮助强大ê军队」chit句话,真清楚说明tī上帝眼中,无所讲ê「大」á是「小」ê差别,唯一ê差别是甚么人走chhōe他,他就帮助甚么人。

    第12到15节,上帝果然垂听亚撒ê祈祷,他出手打击古实ê军队,hō͘一百万大军溃散逃走,而亚撒ê军队则一路tui-jiok,in追到基拉耳,这是设tī玛利沙西南部大约四十公里ê所在,mā是埃及ê境内à。Mā因为án-ne,犹大Tī chit pái ê战役中,掳获真chē战利品而tńg来到耶路撒冷。

重新查询 专卷研经 历代志下系列
错误回报,请联系comm[@]fhl.net