Chit章记载当北部支族分裂出去后所发生ê一kóa事件，包括罗波安整军准备phah北部支族，同时加强一kóa城市ê防卫工程。另外一方面是所有祭司kah利未人lóng因为心向耶路撒冷，而tùi其他城市移转到耶路撒冷去。

Chit段经文记载上帝ê奴仆去阻止罗波安出兵phah北国支族ê以色列兄弟。另外一方面，是罗波安虽然无出兵，m̄-koh mā预防北部ê军队南侵，因为án-ne加强了防御工程。

第1节，chit节真清楚讲tio̍h罗波安一tńg来到耶路撒冷，就开始准备出兵去phah北部ê支族同胞。罗波安tùi犹大kah便雅悯这两支族中选出siōng精锐ê部队共计十八万人，希望藉这ē-tàng继续控制北部支族。

第2到4节，就tī chit siōng要紧ê关头，上帝差派奴仆示玛雅，ài伊去阻止罗波安kah犹大人、便雅悯人，m̄-thang去攻打北部ê以色列人。真重要ê，是in lóng听示玛雅ê劝言。因为in知影，若无上帝同意，就算in派出ê lóng是精锐部队，mā会是枉然。

第5到10节，虽然上帝阻止了罗波安出兵，m̄-koh伊无bē记得tio̍h加强防御工程ê重要性，共计整建了十五个城市，tī chit十五个城市修筑堡垒，来预防万一一定tio̍h开phah á是北方出兵来侵犯。

第11到12节，m̄-nā是修筑堡垒，而且iáu进行囤粮以备战争之需。罗波安原本是全以色列十二支族ê统治者，chit-má因为m̄听老臣ê建议，疼惜北部支族ê困境，反tńg因为án-ne hō͘北部支族决定离伊而去，结果罗波安只chhun统治犹大kah便雅悯这两支族而已。