撒母耳记上 7章2节 到 7章11节   背景资料  上一笔  下一笔
撒母耳记上第七到八chit两章,lóng是记载先知撒母耳án怎带领以色列人。然后,帮助以色列人建立君王制度。因为án-ne,真正讲tio̍h先知撒母耳事迹ê,只有第七章。Tùi第八章一直到第十六章,lóng是记载先知撒母耳tī以色列人中所行ê事,伊虽然无亲像君王般亲自带领以色列人民,m̄-koh却拥有绝对ê权威,这mā说明所谓「先知运动」ê特色,就是即使是tī君王面前,先知iáu-koh遵照上帝所hō͘ in ê信息,讲出上帝ê话语。

Chit段经文说明先知取代了祭司ê角色,koh khah重要ê,是描写先知撒母耳án怎指挥以色列人民抵抗非利士人,伊扮演ê角色,并无只限tī传达上帝ê话语,koh khah重要ê,伊mā扮演着有如君王ê角色。其实,先知撒母耳mā被看做是最后ê一个士师。虽然tī第八章1节有提起先知撒母耳亲自立两个kiáⁿ当士师,m̄-koh却m̄是tùi上帝直接任命,因为án-ne,in不被看做是正式ê士师。

第2到4节,因为有约柜,以色列人民ná亲像过去仝款,不时到亚比拿达ê厝里去询问上帝ê旨意,并请求上帝伸手救助。第3节是浓缩了过去二十年先知撒母耳所做ê,就是beh改造以色列人偏差ê信仰,伊教导以色列人民一定tio̍h弃绝拜偶像ê行为,专心归向上帝,以色列人民听从了先知撒母耳ê劝勉。

第5到6节,chia讲先知撒母耳召集以色列人民聚集到「米斯巴」,这是便雅悯境内ê村镇(参考约书亚记十八:26),距离耶路撒冷约有十二公里。Tī chia bat发生以色列十一个支派ê人,联合起来攻打便雅悯支派ê事件,并且差一点á就消灭了便雅悯ê族群。先知撒母耳召集以色列人tī chia集合,伊beh带领in向上帝祈祷。Chia并无说明是甚么原因,先知撒母耳会要求举行隆重ê忏悔、认罪方式,向上帝祈求赦免赦免。使用ê方式是「phah水来浇tī上主面前」,加上用「禁食」ê方式(这mā是圣经中唯一记载chit种动作ê经文)来进行chit pái ê代祷仪式,chiah-ê lóng是teh表示一种洗涤清气,mā说明心内敬虔、洁净ê意思。

第7到11节,「米斯巴」iáu有另外一个意思,就是teh指「守望塔」。Tùi chit-ê名thang看出chit-ê所在有「制高点」ê军事重要性。

非利士人为甚么beh来攻打以色列人?一则,可能是in认为以色列人离开了约柜所在地基列・耶琳,到米斯巴ê所在。Koh讲,in无想beh hō͘以色列人koh一pái出现新ê领导者,án-ne,in chiah ē-tàng继续「辖制」以色列人。五个非利士首领就带领军队beh来攻打以色列人民,这hō͘以色列人民非常惊惶,因为顶pái chiah phah败仗死伤惨重。先知撒母耳向上帝祈祷,祈求上帝救in脱离非利士人ê手。伊同时扮演祭司ê角色。Án-ne,撒母耳除了是先知之外,mā同时是祭司,又koh是「士师」(领袖ê意思)。上帝垂听先知撒母耳ê祈祷,chit对全体以色列人来讲,是一个非常重大ê事。Á非利士人想beh利用先知撒母耳正teh献祭ê时进行破坏。Tī in看起来,破坏宗教礼仪,tú好thang hō͘ in ê神-耶和华上帝无法度显现威力。M̄-koh非利士人chit种动作,mā等于是teh「亵渎」上帝ê神圣仝款。上帝tùi天顶雷击非利士人,就是tī惩罚in亵渎以色列人民敬拜上帝ê神圣典礼。Chit pái以色列人phah赢了非利士人。Mā是先知撒母耳第一pái hō͘以色列人民排除了非利士人ê挑衅。

重新查询 专卷研经 撒母耳记上系列
错误回报,请联系comm[@]fhl.net