撒母耳记上 7章12节 到 7章17节   背景资料  上一笔  下一笔
Chit段主要teh说明上帝确实拣选撒母耳为先知,并且喜爱伊。因为先知撒母耳听从上帝ê话做tāi-chì。

第12节,圣经时代不时会用建造记念碑,来记念上帝ê带领、看顾,并kā它当做kah上帝立约ê记号。M̄-koh先知撒母耳用此记念碑来帮助以色列人民记念上帝ê恩典,却m̄是记念hiah-ê tī chit pái战争中死去ê人。顶pái以色列人民tī「以利以谢」战败(参考四:1),chit pái tī「以利以谢」phah赢,用建造记念碑方式来表达一个信仰意义:只要有上帝ê帮助,就会战胜敌人。

第13到14节,先知撒母耳一直是以色列siōng伟大ê士师,因为tī伊一生ê日子,非利士人无koh再侵犯过以色列人民,而且所有被非利士人占去ê土地lóng收复了,并kah迦南人和平相处(第13到14节)。简单ê两节经文,讲出撒母耳扮演「士师」ê角色非常成功,而伊ê成功,是因为自细汉就已经非常用心准备成做上帝ê奴仆。

第15到17节,先知撒母耳重视以色列人ê宗教信仰生活,因为án-ne,不时巡视以色列人ê重要城市,处理人民纠纷ê事务,后来mā tī家己ê故乡拉玛起造祭坛。表示拉玛mā成做另外一个重要ê宗教市镇。伊án-ne四界巡视,主要是teh减轻以色列人民ê负担,无需要tī有tāi-chì ê时,iáu一定tio̍h来拉玛问伊。

重新查询 专卷研经 撒母耳记上系列
错误回报,请联系comm[@]fhl.net