撒母耳记上 31章1节 到 31章7节   背景资料  上一笔  下一笔
Chit章是记载非利士人kah以色列人民作战ê情形。其实,mā thang kā chit章直连连结tī第廿八章2节后面来看。M̄-koh编辑者为tio̍h hō͘读者koh khah清楚kui个战役过程中间所发生ê每一件事,虽然tī表面上看起来并无直接关系,其实,这中间所发生ê事,lóng tī说明一个中心主题:大卫,确实kah扫罗无仝款;大卫有上帝ê灵同在,而上帝ê灵已经离开了扫罗。

Chit段经文主要teh说明扫罗kah伊三个kiáⁿ战死沙场ê经过。Chit场非利士人kah以色列人tī基利波山ê战役,tú好回应了大卫不亲自刣死扫罗ê坚持,因为大卫认为扫罗既然是上帝所亲自拣选ê君王,就bē-tàng杀害伊,m̄-koh上帝是公义ê审判者,他一定会亲自处理扫罗ê事(参考廿六:10)。taⁿ扫罗chiâⁿ实「死tī战场」,而且以色列人tī chit场战争中死伤惨重(参考三十一:1),这mā应验ā扫罗tùi先知撒母耳嘴中得tio̍h ê「启示」(参考廿八:19)。

第1节,chit节开始就讲「非利士人kah以色列人tī基利波山相刣」,「真chē以色列人被刣」,án-ne简单ê一句话,讲出以色列人ê士兵伤亡惨重。因为到落尾是连指挥官「扫罗kah伊ê 众kiáⁿ lóng逃走à」。若是连指挥官lóng逃走à,就ē-tàng想像:其他士兵ê情况就koh khah凄惨à。
第2到3节,chia记载扫罗ê三个kiáⁿ死tī战场,包括「约拿单、亚比拿达,kah麦基・舒亚」。连扫罗mā被敌人ê弓箭手射中而受了重伤,可见战况ê惨烈。

第4到5节,当扫罗受重伤ê时,伊要求身边「替伊the̍h兵器ê侍卫」,拔出伊ê刀,kā伊「凿死」。扫罗ê理由是:「免得hiah-ê未受割礼、目中无神ê非利士人凌辱我」。Chit句「未受割礼」,chit-ê词有含藐视ê语气,撒母耳记ê作者tī原文中一再使用chit种语句(参考十四:6、十七:26、36,撒母耳记下一:20)。意思是teh指lah-sap、无清气ê人。「未受割礼」mā是teh指「外邦人」,因为以色列人一直认为割礼是分别为圣ê记号。Tī-chia,扫罗mā提起伊无希望受tio̍h重伤koh被俘虏而遇tio̍h「凌辱」。因为tī旧约圣经时代ê社会,受掠ê君王不时会受tio̍h非常残忍ê酷刑,亲像双眼被挖出(参考列王记下廿五:7),脚手被断,身躯伤残而Tī痛苦中过余生,甚至会亲像乞丐一般一定tio̍h食胜利者桌顶lak落来ê食物碎渣过生活(参考士师记一:6—7)。参孙就是目睭被刨出来,身躯被铜链锁tiâu,然后tī监狱里推磨(参考士师记十六:21)。因为án-ne,扫罗认为掠准án-ne,不如命令the̍h兵器ê侍卫刣死伊会比较好(参考士师记九:54)。因为这是有关性命尊严ê事,伊boài lām-sám偷生。Ē-sái讲是这the̍h兵器ê侍卫「非常惊惶,m̄敢做」,结果扫罗就用「自刣」ê方式结束性命。不过tī撒母耳记下第一章6到10节却有无仝ê资料,讲是一个少年ê亚玛力人向大卫表示,伊听tio̍h扫罗chit种请求了后,想tio̍h横直扫罗mā活不了了,就án-ne就ná伊所愿ê「刣死伊」。

第6到7节,chia讲「tī hit一工」扫罗kah三个kiáⁿ,以及身边随从ê人「全部阵亡」。这mā teh暗示扫罗王朝ê结束。Chit节讲出tī扫罗统治之下ê耶斯列谷之kui片区域ê hiah-ê人,因为惊惶成做非利士人ê奴隶,lóng逃出城外往其他以色列人城镇去避难,因为án-ne,非利士人真轻易ê就占领了所有以色列人ê城邑。Chiah-ê城邑是tī扫罗siōng兴盛ê时代夺取落来ê(参考十四:47)。Chit-má koh一pái沦落tī非利士人ê手中。

重新查询 专卷研经 撒母耳记上系列
错误回报,请联系comm[@]fhl.net