撒母耳记上 3章1节 到 3章14节   背景资料  上一笔  下一笔
Chit章是记载撒母耳成长ê过程。伊第一pái听tio̍h上帝呼召伊ê声音,并且获知上帝会对以利全家采取严厉惩罚ê信息。Chit项拣选说明上帝tī撒母耳ê成长过程中,有过真详细观察过,看伊tī以利厝内是m̄是有受tio̍h两个行为嚣张、目中无上帝ê祭司以利kiáⁿ何弗尼、非尼哈ê影响?撒母耳m̄-nā是无受tio̍h in两人影响,而且是保持纯洁ê心,án-ne chiah是伊被拣选ê主要原因。

Chit段经文主要是teh说明上帝拣选撒母耳,并宣告beh废掉以利ê家族。撒母耳chit种经验,非常明确是上帝拣选他ê奴仆――「先知」ê经历。

Chit段经文描述撒母耳连续三pái听tio̍h上帝呼叫伊ê声音,m̄-koh伊并m̄知he就是tùi上帝来ê声音。经过先知以利ê解释了后,撒母耳chiah知影原来上帝teh对伊讲话。Á上帝第一pái传hō͘伊ê信息,竟然是带hō͘以利家族siōng悲惨ê信息,对撒母耳来讲,这mā是一种担任先知角色ê考验。

第1节,chit节讲撒母耳tī祭司以利ê教导下,确实真认真地学习怎样事奉上帝。M̄-koh仝款是tī撒母耳学习事奉上帝ê chit段时间,上帝ê信息真少出现。这可能kah以利两个kiáⁿ ê恶质ê行为有密切关系。

第2到5节,这是撒母耳第一pái听tio̍h上帝呼唤伊ê声音,m̄-koh伊并m̄知,认为hit年老ê祭司以利teh叫伊。

第6到7节,这是上帝第二pái呼唤撒母耳,伊犹原认为是以利叫伊。

Chit时chūn ê撒母耳是困tī安放约柜ê圣所,表示撒母耳是真忠心地在学习怎样服事顶面帝ê事工。

第8到9节,这是上帝第三pái呼唤撒母耳,因为有连续三pái ê经验,年老ê祭司以利随时知影,he一定是tùi上帝来ê呼唤。因为án-ne,伊教导撒母耳怎样回应上帝ê呼唤声音。

第10节,这是上帝第四pái呼唤撒母耳,而伊已经知影怎样回应,就án-ne对上帝讲:「请讲,奴仆teh听!」tùi chia开始,撒母耳有先知ê角色kah使命。

第11到14节,这是上帝第一pái对先知撒母耳传信息,chit-ê信息内容就是tī第二章30到36节记载上帝差派一位奴仆去见以利所讲ê预言。chit-má上帝kā先知撒母耳讲chiah-ê预言teh beh实现,而且是任何方式lóng无法「挽回这重罪ê后果」,chit句mā teh表示上帝顶pái派去ê奴仆预言了后,以利ê两个kiáⁿ并无因为án-ne而彻底悔改,á是祭司以利并无严厉而且有效地阻止伊ê kiáⁿ继续hit种恶质行踏。Chia真清楚指出,以利虽然知影家己ê kiáⁿ胡作非为,却无阻止in,因为án-ne,上帝beh惩罚ê m̄-nā是伊ê两个kiáⁿ,而且是连带伊ê家族lóng tio̍h受tio̍h严厉惩罚。这是上帝透过先知撒母耳beh传达hō͘祭司以利ê信息,mā teh表示顶pái ê预言teh beh实现。

重新查询 专卷研经 撒母耳记上系列
错误回报,请联系comm[@]fhl.net