撒母耳记上 28章3节 到 28章19节   背景资料  上一笔  下一笔
Chit段经文描述扫罗tī走投无路ê时,m̄知该怎样办chiah ē-tàng继续维护家己ê王权。因为án-ne,去chhōe巫师来替伊求问已经死去ê先知撒母耳之亡魂,m̄-koh这是违背摩西律法规定ê事。做一个国王会去作违背律法ê规定,mā teh表示chit-ê王陷入危机中。

第3节,chit节特别强调扫罗「bat强迫所有占卜ê kah巫师lóng离开以色列」,m̄-koh这是过去伊跟tòe先知撒母耳ê时,听从伊ê教导,chiah会做chit种事。作者用「bat」chit-ê词,就是beh说明扫罗chit-má因为已经无先知thang帮助伊,就违背过去所学tio̍h而且做到ê事。因为án-ne,chit句话mā是为tio̍h beh说明后来扫罗会chhōe巫师来询问上帝ê旨意ê原因。

第3到7节,chia koh一pái讲tio̍h扫罗tú-tio̍h非利士人聚集挑衅ê压力kah危机,想求问上帝,m̄-koh上帝却无hō͘ in任何回应。原因是上帝已经弃sak扫罗,chit点tùi第十五章35节ê「上主后悔立扫罗作以色列ê王」chit句话开始,续落来是第十六章14节ê「上主ê灵离开扫罗」等等chiah-ê话,到落尾tī第廿二章描述扫罗残刣祭司亚希米勒kah in家族所有ê人,chiah-ê lóng tī说明上帝已经弃sak了扫罗,无koh hō͘伊任何启示。就tī chit时chūn,伊想tio̍h beh去chhōe巫师来询问,臣仆提供tī「隐・多珥」ê所在有一个巫婆thang替伊解惑,这是离非利士人扎营ê书念约有九公里远ê西北边。M̄-koh这mā teh表明扫罗已经像迦南人仝款,拜鬼神,听从鬼神ê旨意。

第8到11节,扫罗因为惊别人认出伊来,原因是chit-ê巫婆ê所在,离非利士人ê营房真近,万一被认出来就糟à。因为án-ne,伊「改装易服」,tī侍卫ê随从下,去chhōe chit-ê巫婆。Koh khah特别ê是扫罗指定chit-ê巫婆替伊招来先知撒母耳ê亡魂。Chit-ê巫婆因为扫罗已经「改装易服」,hō͘伊认bē出来询问ê就是扫罗本人。M̄-koh伊iáu是询问讲这是会hōng判处死刑ê事,原因是扫罗bat有过严厉ê禁止令。真讽刺ê事,扫罗已经m̄信上帝了,soah koh用上帝ê名chiù-chōa。这等于讲,伊虽然是用上帝ê名chiù-chōa,m̄-koh chit种举动是无任何意义thang讲ê。Á koh khah讽刺ê是:扫罗用永远活ê上帝ê名chiù-chōa,却是beh询问死人ê亡魂!然后koh进一步用永远活ê上帝ê名,向巫婆保证做chit款tāi-chì,bē有任何性命ê危险。讲穿了,扫罗ê chiah-ê举动,其实lóng是teh利用宗教法术而已。真正有信仰ê人,绝对bē做chit种家己既m̄相信ê事,soah koh tio̍h chiù-chōa讲确有其事。巫婆问扫罗beh招tó一个亡魂?伊回答讲是先知撒母耳。

第12到14节,chit段经文ē-sái讲是撒母耳记中siōng难处理ê一节经文;siōng常提出ê问题是:chit-má出现ê,是m̄是真是先知撒母耳死后ê亡魂?tio̍h注意ê是:chit时巫婆iáu未进行巫术,m̄-koh撒母耳亡魂已经先出现。因为án-ne,有kóa学者认为先知撒母耳并m̄是被巫婆用法术招来ê。因为上帝ê先知,无可能被巫婆用法术招来唤去。因为án-ne,已经往生ê先知撒母耳知影扫罗kah巫婆ê动作,伊提前亲自显chit-má巫婆kah扫罗面前。Mā因为án-ne,chiah hō͘ chit位巫婆大大大tio̍h惊而呼叫起来。就是因为先知撒母耳tī lóng无预警之下,忽然出现tī伊目睭前,chiah hō͘伊随时发见来求助ê人,竟然是扫罗王。这有一个可能,就是tī chit位巫婆ê了解中,无人敢讲beh招先知撒母耳出现,因为先知撒母耳就是以色列人ê领袖。除了国王以外,无人敢án-ne做。扫罗一知影先知撒母耳出现,就赶紧伏tī土脚表示尊敬ê意思。

第15节,直到chit-má,扫罗iáu-koh无看tio̍h先知撒母耳,只是听tio̍h伊讲话ê声音。「你为甚么烦扰我」,chit句话说明先知撒母耳已经「安息」à,chit-má却hō͘人搅扰。扫罗向先知撒母耳表示希望先知撒母耳ē-tàng出来帮助伊知影该怎样做,chiah ē-tàng避免被非利士人phah败。M̄-koh真正ê问题是伊被「上帝弃sak了」,chit点chiah是kui个问题所在。

第16到19节,先知撒母耳ê回答真清楚,hō͘ 上帝弃sak ê人,mā等于是上帝ê敌人,chit种人,就算先知想帮助mā难(参考耶利米书十五:1)。因为先知是上帝ê奴仆,唯一ê使命,就是听从上帝ê话,并且kā上帝ê话忠实地传达hō͘他ê子民(参考列王记上廿二:14)。因为án-ne,先知撒母耳真清楚kā扫罗讲,上帝会kā以色列ê军队交hō͘非利士人,表示以色列军队一定phah败仗。Á扫罗kah伊ê 众kiáⁿ,会kah先知撒母耳tī阴间相会,这表示in lóng会战死沙场。Chit句话后来确实应验ā(参考三十一:2—3、4)。

重新查询 专卷研经 撒母耳记上系列
错误回报,请联系comm[@]fhl.net