撒母耳记上 26章13节 到 26章25节   背景资料  上一笔  下一笔
大卫离开到扫罗营寨ê对面,然后叫醒扫罗,而且hō͘扫罗知影伊已经进入伊ê营房偷袭,只是无杀害伊而已。大卫án-ne做是beh hō͘扫罗知影,伊确实是有能力杀害伊,m̄-koh伊无án-ne做,因为伊beh维护上帝选立ê君王。

第13到14节,大卫大声呼叫扫罗ê元帅押尼珥,chit时押尼珥iáu m̄知到底是甚么人teh hoah-hiu。

第15到16节,大卫hō͘扫罗ê元帅知影,伊已经失职,因为无尽到保护in ê主人扫罗ê安全,因为扫罗ê矛kah水罐lóng hō͘人偷the̍h去à。

第17到20节,chit段经文mā ē-sái讲是大卫ê告白。当扫罗醒起来知影是大卫ê声音,koh开始用伊ná带有欺骗ê声调呼唤大卫。大卫真清楚向扫罗表白,若是上帝决定hō͘扫罗对敌伊,伊愿意顺服hō͘扫罗完成心愿。M̄-koh若m̄是,就是有人设计陷害伊,为tio̍h是beh hō͘大卫弃sak上帝。M̄-koh大卫坚持beh óa靠上帝,kah上帝连结。伊质问扫罗为甚么beh杀害伊,像杀害一只ka蚤,á是亲像射杀一只野鸟。

第21节,扫罗听大卫ê辩诉了后,承认家己「m̄-tio̍h去」。Chia ê「错」表明是一种「罪」,意思是teh指冤枉无辜人ê罪。扫罗承认家己是一个做tāi-chì愚昧、无知ê「糊涂人」,是一个「犯了大错」ê人,伊同时承认大卫确实是有能力杀害伊,m̄-nā无下手,而且iáu阻止伊ê随从者出手杀害。虽然扫罗chit pái对大卫讲「koh再mā bē伤害」伊,m̄-koh大卫已经无法度信任扫罗,因为án-ne,伊ài扫罗派一个人过去伊hit-pêng the̍h tńg来伊ê兵器—矛。

第22到24节,chit段经文是大卫ê回应。伊ài扫罗派人来伊ê所在取tńg来扫罗ê矛,伊mā koh一pái向扫罗表示:伊无伤害上帝选立ê君王,同时祈愿上帝保护,hō͘脱离所有ê灾难。第23节ê「信实正义」,意思是teh指诚实、守约、规矩,而chiah-ê lóng是扫罗所违反ê行为。大卫已经teh谴责扫罗一向lóng是违背约定ê人,bē得tio̍h上帝ê赐福。

第25节,扫罗听了后,koh一pái祝福大卫,然后就tńg去,这mā说明伊想beh杀害大卫ê计谋koh一pái彻底失败。

重新查询 专卷研经 撒母耳记上系列
错误回报,请联系comm[@]fhl.net