撒母耳记上 25章36节 到 25章44节   背景资料  上一笔  下一笔
Chit段经文描述拿八猝死后,大卫娶亚比该成做伊ê bó͘。

第36到38节,拿八会án-ne「心情愉快,lim得烂醉」,必定kah「剪羊毛」节期中,伊获利真chē有关,想beh好好á庆祝一下。M̄-koh伊用hit种「像王所享受ê仝款」奢华ê庆祝样式,相对tī保护伊财产、奴仆免受损害ê大卫ê需要,却是án-ne吝啬,而且拒绝hō͘ in大卫任何资助,tú好呈现出非常大ê对比。亚比该是一个有智慧ê cha-bó͘人,伊知影chit时chit时,并无适合向拿八讲任何事,因为án-ne伊等到隔工早起,拿八tùi酒醉中清楚过来后,亚比该chiah kā昨hng发生ê事kā丈夫拿八讲,á拿八听了后,则马上有ná中风仝款半遂ā,真紧,tī十工了后就往生。

第39到40节,大卫一听拿八往生,就派人去向亚比该提亲,表示beh娶亚比该做bó͘。

第41到42节,听tio̍h大卫beh娶她做bó͘,亚比该二话不讲,马上就答应成做大卫ê bó͘。

第43到44节,作者无说明大卫tī甚么时chūn娶「亚希暖」做bó͘。Chit-ê名kah扫罗ê bó͘同名(参考十四:50)。照撒母耳记上第廿七章3节ê记载,大卫tī娶亚比该chìn前,已经娶亚希暖做bó͘了,而且iáu生一个kiáⁿ名叫「暗嫩」(参考撒母耳记下三:2)。可见,大卫mā拥有「多妻」。Koh讲,chit两节经文mā为撒母耳记下第三章13到16节,有关「归还」米甲hō͘大卫ê记事,以及后来大卫kah米甲之间ê不和谐留落来伏笔。

重新查询 专卷研经 撒母耳记上系列
错误回报,请联系comm[@]fhl.net