Tùi第廿三章19节开始，一直到第廿六章25节：
连续记载三段有关大卫本thang出手轻易杀害扫罗，以及kah伊对敌ê 拿八，m̄-koh伊都无án-ne做。Chiah-ê lóng tī说明一个重要ê主题，就是tī第廿五章31节所讲ê，hō͘大卫bē致使因为无故刣人，á是替家己报仇而后悔。Chit种观念对tī一个准备会成做君王ê大卫来讲，是非常重要ê。Mā teh说明一个以色列君王，一定tio̍h用chit种态度治理上帝ê子民。换句话讲，扫罗一再杀害无辜ê，chit种君王bē是上帝所欢喜ê。

第19到20节，chia讲西弗城人出卖大卫，kā大卫bih起来ê所在kā扫罗讲。Tī大卫看起来，真正敌人是非利士人，因为án-ne，只要是非利士人phah以色列人民，伊就beh出面抵挡，ná亲像基伊拉城ê事件仝款。伊不想beh kah扫罗对抗。

第21到23节，扫罗听tio̍h西弗人án-ne对伊表示忠chiâⁿ之心，就回应in。扫罗讲大卫是一个「真奸巧」ê人，必要ê话，即使总动员搜遍了各部落，mā无teh可惜。伊mā o-ló西弗人，讲in对伊真好。西弗人是南方犹大族ê人，而基伊拉城居民mā是南方犹大族ê人。In lóng对扫罗忠chiâⁿ。当扫罗听tio̍h西弗人ê通报了后，随时ài in koh再去查清楚，看大卫bih tī tó位，甚么人看过伊，chiah-ê话lóng已经teh暗示，若发见大卫藏匿tī tó位，hit家人会亲像亚希米勒ê家族hit种遇tio̍h灭族大屠杀。甚至连看见而无通报ê，lóng会列做被屠刣ê对象。

第24到25节，chiah-ê西弗人真紧to̍h phah探出大卫藏匿tī「玛云荒野」之地。这地点就是现今ê「玛因废墟」（Khirbet Ma’in）。设tī希伯仑南方大约有十三公里、西弗以南约七公里处。Chia mā是拿八ê故乡（参考廿五：2）。In赶紧向扫罗通报。扫罗随时chhōa部下搜捕。M̄-koh大卫mā有眼线，当扫罗开始大肆搜捕伊ê时chūn，有人来向伊通报。因为án-ne，大卫就koh bih起来，m̄-koh显然搜捕伊ê人相当chē，hō͘伊ê行踪真紧to̍h显露出来。

第26到27节，因为大卫身边带着有六百个随从，只要小khóa一动，就真容易引起扫罗chit pêng搜捕队伍发见。果然，扫罗ê部下真紧to̍h发见了大卫kah伊跟随者ê踪迹，并且差一点á就被扫罗ê搜捕队伍掠tio̍h。作者siōng想beh表达ê一个信仰观念：有上帝同在ê人，tī siōng危险ê时刻，mā会得tio̍h上帝ê庇护、看顾。

第28到29节，就tī扫罗teh要掠tio̍h大卫ê时，非利士人却tī chit时chūn来à，这说明时间掌控tī上帝手中，一切lóng是上帝奇妙ê安排。逼kah扫罗只好赶紧班师tńg去抵挡非利人ê侵犯。

Chit章是延续第廿三章扫罗搜捕大卫ê事件。前一章讲tio̍h tī玛云荒野，扫罗差不多就teh要缉拿-tio̍h大卫ê时，忽然接tio̍h信报，讲有非利士人来进犯以色列国境，hō͘扫罗不得不赶紧率部下tńg去防御。等到phah退了非利士人之进犯后，伊koh继续chit项缉捕ê行动。换句话讲，tī扫罗心中，除非刣死大卫，若无，伊一定bē善罢甘休。可见伊是jōa-ni̍h-á痛恨大卫。Chit章讲大卫有机会杀害扫罗，m̄-koh伊无án-ne做，因为伊是上帝所拣选出来ê君王。

Chit段经文讲扫罗一直无停地四界去搜捕大卫，m̄-koh搜捕ê行动m̄-nā无成功，反tńg是被大卫「突击」差一点á杀害。M̄-koh大卫无án-ne做，伊留落来扫罗ê性命，并且hō͘扫罗知影为甚么伊无出手杀害伊。

第1到3节，这是紧接第廿三章28节，讲扫罗「tńg来师去phah非利士人」。chit-má已经kā非利士人「进犯」以色列ê事处理好势，伊koh tńg来到大卫藏匿ê地点「隐・基底」。大卫欢喜藏匿tī chit所在，可能kah chit所在ê地理环境有关，除了附近山丘上洞穴多之外，koh讲，hia水源丰富，有具备人生存ê要件。当扫罗知影大卫藏匿地点，就率领以色列精锐部队三千名beh去搜索大卫。当扫罗来到一个磅空，想入去解手ê时chūn，伊万万无想tio̍h大卫就藏tī chit磅空内。Á这tú好hō͘大卫一个真好ê机会，thang突击扫罗，何况扫罗tú好落单，无侍卫tī身边。

第4到7节，chit-má换做大卫ê部下发见扫罗tī洞穴内解手，hō͘大卫知影这是一个反扑除掉扫罗ê机会。就án-ne大卫是悄悄地爬到扫罗ê身后，然后「割落扫罗所穿ê棉袍ê一角」，chit种动作已经说明大卫有够额ê机会kah力量杀害扫罗。M̄-koh伊无án-ne做，而只有kā扫罗ê衫裤切割一块落来而已。大卫用chit种方式teh证明：伊无想叛变、密谋杀害扫罗ê意思。所有过去扫罗听tio̍h有关大卫ê事，lóng是错误 ê讯息。若chiâⁿ实beh杀害扫罗，伊m̄免只割落伊穿tī身上之棉袍ê一角。然后大卫认为有必要对伊ê部下解释，伊之所以有chit种「割落棉袍ê一角」动作ê原因。大卫强调扫罗就是国王，因为án-ne伊tī chia称呼扫罗是「我主」、「伊是王」，koh khah重要ê是伊hō͘部下知影扫罗就是「上主所选立ê君王」。杀害上帝选立ê君王（奴仆），等于是teh抵挡上帝仝款。这mā是圣经作者beh表达ê一个重要观念：上帝ê奴仆，一定tio̍h尊重、维护。就án-ne大卫说服伊ê部下不准伤害扫罗。

第8到15节，当扫罗解手了后起身行出磅空ê时，大卫chit时追出去kah伊说明kui个事件ê经过。伊the̍h出一块伊割落ê布hō͘扫罗知影，伊原本有机会杀害伊，m̄-koh伊无án-ne做，因为：一是伊无做出失礼扫罗ê事。二是伊hō͘上帝当公正ê审判者。Tī第13节伊用「死狗」、「ka蚤」来形容家己，mā用chit种方式来描写扫罗已经会失去王者ê风范，竟然去做chiah-ni̍h无tap-sap ê芝麻小事，却m̄是带领以色列人去对抗、防御非利士人侵犯ê chit种大事。

Tùi第12到15节thang看出基督教信仰非常重要ê信息之一：伸冤tī上帝，他是会报应ê上帝（参考罗马书十二：19，约伯记三十四：11，箴言廿四：12）。