撒母耳记上 20章1节 到 20章23节   背景资料  上一笔  下一笔
Chit章记载大卫继续伊ê逃亡走chhōe庇护ê路线,伊去chhōe约拿单,并hō͘伊知影扫罗beh杀害伊ê事,而后来约拿单mā证明了in老父扫罗的确beh杀害大卫。原因是扫罗想beh kā王位由kiáⁿ约拿单继承,m̄-koh若是大卫iáu存在,kā无法度hō͘以色列军队心服口服,mā无容易得tio̍h民众支持。只有除掉大卫,chiah会hō͘约拿单顺利继承王位。

Chit段经文记载大卫tī先知撒母耳ê帮助下,顺利躲过扫罗三pái ê追刣,了后伊就离开拉玛,去chhōe伊「生死之交」约拿单ê帮忙。约拿单是扫罗ê kiáⁿ,扫罗心中ê王位继承人。

大卫会án-ne chhōe约拿单,真可能是顶pái约拿单bat说服in老父扫罗mài杀害伊ê事有关。M̄-koh khah可能就是因为这是无仝ê资料,若是kā chit章经文编辑tī第十九章9到10节后面,则整体读起来会koh khah连贯。Mā有kóa学者认为,chit段经文应该发生时间会比第十九章1到7节所记载ê事件koh khah早。

第1到2节,大卫tùi先知撒母耳ê 拿约处离开,伊去chhōe扫罗ê kiáⁿ mā是伊ê好友约拿单,hō͘伊知影家己ê遭遇。M̄-koh约拿单向大卫保证,若是扫罗有谋害伊ê计画,一定会hō͘伊知影。伊用chit种方式beh保护大卫。

第3到4节,大卫提醒约拿单mài认为伊ê老父扫罗会kā所有ê事lóng kā伊讲。为tio̍h beh hō͘大卫安心,约拿单用chiù-chōa ê语气向大卫表示:愿意尽所ē-tàng地听从大卫。

第5到8节,chit段经文是大卫kā约拿单讲伊ê计画,为tio̍h beh确认扫罗是有杀害大卫ê证据。伊hō͘约拿单ê建议是:故意在kah扫罗ê定期餐会中缺席ê方式,来测试扫罗王ê态度。伊ài约拿单利用大卫tńg去故乡去参加家族ê「献年祭」,chit-ê祭原本是teh指每月ê「初一」。M̄-koh大卫ê话ê意思,是teh指「每年一pái」,伊ê家庭利用此节日聚会一pái。大卫ài好朋友约拿单用chit种方式,检测扫罗是m̄是真正生大卫ê气。大卫强调伊kah约拿单之间结盟ê重要性。In彼此之间有「生死之交」ê盟约tī teh,因为án-ne,伊希望即使是真正非ài伊死,mā希望是由约拿单来执行「死刑」,却m̄是由扫罗来刣伊。

第9到10节,约拿单认为大卫想得siuⁿ chē,原因是伊iáu-koh相信老父扫罗并无想beh杀害大卫ê计划á是想法。伊用真肯定ê语句hō͘大卫知影,一旦明明确知影扫罗有杀害大卫念头,一定会hō͘大卫知影,m̄-koh大卫iáu-koh m̄放心。有kóa学者认为大卫chit种态度,显然是真有「心机」,á是心思真「细腻」,m̄-koh mā tùi chit-ê话语中,表示伊对约拿单并m̄是完全信任。

第11到16节,chit段经文thang看出约拿单确实是teh表明伊kah大卫之间ê关系,是「性命之交」ê关系,伊用性命作赌注chiù-chōa,无论án怎一定会hō͘大卫清楚知影in老父扫罗ê态度。就算付出性命代价,伊mā会hō͘大卫得tio̍h逃离扫罗ê手ê机会。Á伊mā肯定大卫有一工必定会掌权,伊希望大卫mā chiù-chōa,一定会照顾伊ê全家。

第17节,约拿单tī-chia要求大卫chiù-chōa,确认伊kah大卫之间「生死之交」ê盟约ē-tàng永续存在。后来大卫确实遵照约拿单所要求ê,好款待伊ê kiáⁿ米非波设(参考撒母耳记下第九章、廿一:7)。

第18到23节,这是约拿单继续讲tio̍h大卫头前所提kah扫罗王同齐用餐ê事,大卫ê问题是:万一扫罗王发大怒,「甚么人来kā我讲」chit-ê危险信号,约拿单tī-chia kā大卫讲án怎得tio̍h明确ê答覆kah保障。约拿单tio̍h用射箭ê方式来表明,伊会利用命令奴仆拾取伊发出ê箭所讲ê话,当做暗号。若是tī「你后面」,这就表示安全。M̄-koh相对ê,若是讲「tī你头前」,这就表示危险,大卫一定tio̍h马上逃走。

重新查询 专卷研经 撒母耳记上系列
错误回报,请联系comm[@]fhl.net