撒母耳记上 2章1节 到 2章11节   背景资料  上一笔  下一笔
Chit章有一首诗歌,是哈娜用来感谢上帝所吟颂ê诗歌(第1到10节),续落来描述大祭司以利ê两个kiáⁿ,并无遵守祭司应该有ê洁净态度(第12到17节),后来上帝向撒母耳启示teh beh发生tī大祭司以利ê厝灾难之预言(第27到36节)。原因是以利ê kiáⁿ并无听从老父ê劝勉(第22到26节)。

Tùi第1到10节是哈娜祈祷ê诗歌。Chit首诗歌kah新约路加福音第一章46到55节ê「马利亚尊主颂」真类似,其中lóng提起上帝扶持弱者。因为án-ne,chit首诗歌mā会被称做「旧约中ê马利亚o-ló诗歌」。M̄-nā án-ne,撒母耳记下第廿二章ê大卫诗歌,mā出现哈娜chit首诗歌ê内容。Tùi哈娜ê chit首诗歌,thang清楚看出其中心主题,就是teh表达一个基本ê信念:性命ê主宰,就是上帝。Á chit-ê理念应该是普世性ê信仰认知,mā是kui本圣经beh表达出来ê中心信息:一切性命ê源头,lóng是tùi上帝来创造ê恩典。因为án-ne,人活teh ê每一工,应该lóng是用来回应上帝赏赐性命ê疼chiah-tio̍h。

第1节,哈娜讲上帝赏赐hō͘她喜乐ê心,原因是敌人(意指比尼娜)无法度koh再讥笑伊à。

第2到3节,「只有上主神圣;除伊以外,无圣者。」chit句话至少说明一个信仰认知:人lóng是有罪ê人。有罪ê人,就m̄是圣者。「上主是彻底了解一切ê上帝」,chit句表明上帝乃是「无所不知」ê上帝。因为án-ne,基督教信仰认为只有上帝「审断人ê行为」chiah是公义、正确。

第4到8节,chit段诗歌有一个重要主题,就是人看做强壮、有力ê,tī上帝眼中并无一定án-ne。仝款ê,人看做软弱ê,只要有上帝伸手扶持,就会比强壮者koh khah强壮,比富足ê人koh khah富有。因为tī人看起来已经无可能ê事,tī上帝手中lóng是非常容易ê,因为上帝是全能者,是万物ê创造者。

第9到10节,因为上帝是创造者,mā是审判者,因为án-ne,他会对所创造ê宇宙万物进行公正ê审判,hō͘对敌上帝ê气力消失。

第11节,chit节若是续接tī第一章28节就koh khah清楚。Chit节koh一pái强调哈娜确实还了家己所下ê愿,伊照约束kā撒母耳留tī示罗ê大祭司以利hia。哈娜kah以利加拿办理好献祭礼仪了后,夫妻两人就tńg来拉玛去,只有留落来撒母耳tī以利身边学习成做祭司。

重新查询 专卷研经 撒母耳记上系列
错误回报,请联系comm[@]fhl.net