撒母耳记上 2章27节 到 2章36节   背景资料  上一笔  下一笔
有bē少圣经学者指出chit段经文是后来编者附加上去ê,为续接后来撒督传承祭司ê工作预留伏笔。列王记上第二章27节就án-ne记载讲:「所罗门就kā 亚比亚他赶出去,m̄ 准伊做上主ê 祭司。Án-ne 就应验上主tī 示罗所讲关系以利ê 家ê 话。(全民版)」若是án-ne,tùi chit段经文thang看tio̍h上帝差派奴仆去向祭司以利传话,主要tī预言以利ê厝会tú-tio̍h到上帝严厉ê惩罚,并且mā同时为撒督负担祭司工作先预留了一个伏笔。Á chit段预言以利ê家族会tú-tio̍h上帝严厉ê惩罚,带hō͘年老ê以利极大ê打击。

第27到28节,上帝差派一个奴仆来向祭司以利传达信息。讲述上帝会拣选亚伦当祭司,是一件非常荣耀ê事,上帝看顾赐福祭司,hō͘ in tī生活上并无欠缺。

第29到30节,m̄-koh因为以利ê两个kiáⁿ当起祭司,却无严格遵守祭司ê本份,反tńg是贪婪成性,而且亵渎了祭坛ê神圣,因为án-ne,上帝决定beh废除以利家族继续当祭司ê荣誉,因为伊ê kiáⁿ藐视上帝,上帝beh改选会尊敬上帝ê人出来当祭司服事祭祀ê礼仪。Tī chia,上帝非常受气ê一件事,就是祭司以利明明知影伊ê kiáⁿ án-ne,伊kan-taⁿ用劝勉ê方式,并无真严厉ê阻止伊kiáⁿ bē-tàng teh献祭礼仪ê事顶面亵渎上帝,这就是上帝讲祭司以利看重kiáⁿ赢过看上帝ê重要性ê原因。

第31到34节,上帝beh严惩以利ê家族,m̄-nā伊ê两个kiáⁿ会仝一工死去,而且伊ê家族中无年老ê人。Mā tùi chit段话中thang看出当上帝出手惩罚ê时,he是严厉ê。

第35到36节,上帝beh废除以利ê家族,重新改选会忠实tī上帝ê祭司家族。


重新查询 专卷研经 撒母耳记上系列
错误回报,请联系comm[@]fhl.net