短短一段经文，描写撒母耳父母lóng因为ē-tàng完成所下ê愿而得tio̍h祭司以利ê祝福，特别是得tio̍h上帝加倍ê赏赐。

第18到19节，chia讲撒母耳穿「麻纱ê以弗得圣服」。Chit种「以弗得」，是teh指祭司穿tī身上带领民众敬拜上帝ê服装。摩西律法中有清楚规定「以弗得」服装ê款式（参考出埃及记廿八：6—14）。而且大祭司有特殊ê「以弗得」样式（参考出埃及记三十九：1—26）。Chit时撒母耳尚且m̄是祭司，因为án-ne伊穿ê衫裤并m̄是一般轮值祭司穿ê，却是类似ê款式而已。

第20到21节，以利每pái lóng祝福以利加拿 kah哈娜。伊特别提起祝福内容，是祈求上帝赏赐koh khah chē ê gín-á hō͘哈娜，因为伊kah丈夫以利加拿奉献撒母耳。果然，祭司以利ê祝福得tio̍h上帝回应，哈娜koh生三个cha-po͘-gín-á、两个cha-bó͘-gín-á。这lóng teh表示上帝确实垂听以利ê祈祷，赐福hō͘哈娜加出「五倍」ê福气。作者用chit种方式teh说明：真正甘心ê奉献，会得tio̍h上帝ê欢喜接纳。另外一方面，这mā说明一个非常特别ê意义：哈娜kā撒母耳奉献hō͘上帝成做「离俗人」，m̄-koh，上帝赏赐hō͘伊ê koh khah chē，伊并无因为献出了撒母耳而会失去甚么。