撒母耳记上 17章41节 到 17章54节   背景资料  上一笔  下一笔
Chit段经文描述大卫phah败歌利亚ê经过。重要ê是大卫非常清楚,hō͘伊phah败歌利亚ê,并m̄是因为伊ê能力,却是上帝帮助伊ê结果。因为伊是óa靠上帝ê名去迎战歌利亚。Koh讲,作者mā用chit段经文讲出以色列人民久长以来ê观念:人想beh óa靠军事武器phah赢战,是错误 ê观念。因为如果无上帝ê帮助,就算有siōng精准ê武器,á是精锐ê部队mā是枉然,因为上帝必定会帮助敬畏他ê人(参考诗篇三十三:16—18)。

第41到44节,大卫ê身材kah歌利亚相比,明明是就是小巫见大巫,因为án-ne,歌利亚以藐视ê态度看大卫,认为大卫只不过是一个生做好看ê小伙子而已。M̄-koh伊bē记得有上帝kah大卫同在。伊会有chit种反应,kah一般人仝款lóng是看外表(参考十六:7)。伊指家己ê神明chiù-chōa ài kā大卫刣死,并且kā伊ê尸体丢hō͘飞鸟野兽食。

第45到47节,kui个大卫phah歌利亚ê事件,就是用chit段经文做中心。作者beh表明一个重要ê信念:有上帝同在,就有性命;失去上帝ê带领,就会失去所有。因为真正会保护人性命ê,就是赏赐人性命ê上帝,却m̄是军事武器。Á大卫tī chia公开宣告:伊khiā tī上帝chit pêng;上帝是伊ê保护者。因为án-ne,伊beh奉上帝ê名对付歌利亚ê挑衅。伊同时表示用phah赢,来向天下所有ê人见证伊所óa靠ê神,chiah是真实ê。

第48到50节,果然,大卫the̍h伊手上用来护卫羊群ê投石器甩向歌利亚,而歌利亚连刀lóng iáu未出鞘,就被大卫甩出ê石头phah中头部倒落去死去。这是非常hō͘人奇怪ê结局,讲出上帝奇妙ê作为tī大卫身上显现出来。

第51节,大卫用歌利亚ê大刀锉落来伊ê头,非利士人因为án-ne lóng吓(heⁿh)惊逃走。

第52到53节,以色列军队看见歌利亚已经死,而非利士人lóng惊惶逃走,chit时in就出来tui-jiok,刣死真chē非利士人军队,并且掠夺in ê营地。大卫就án-ne凯旋式ê tńg来到耶路撒冷。

第54节,chia讲大卫「Kā歌利亚ê武器留tī家己ê帐棚里」,chit句话为第廿一章9节预留伏笔,讲这kā武器(一支刀)后来被挪伯ê祭司亚希米勒收留,tī大卫逃亡ê时取tńg去。

重新查询 专卷研经 撒母耳记上系列
错误回报,请联系comm[@]fhl.net