撒母耳记上 14章16节 到 14章23节   背景资料  上一笔  下一笔
Chit段经文看出扫罗确实是后知后觉ê领导者,伊是看tio̍h非利士人军营大大混乱,chiah发觉敌方有状况,而且发见chit种状况kah-ná kah家己ê军营可能连带密切关系。因为án-ne,下命令清查军队ê人员。

第16到17节,chit时chūn扫罗ê哨兵发见非利士人军营有真大变化,chit种变化ê特别在tī敌方军队中有慌忙奔逃ê现象,表示是出了极大ê问题chiah会有ê景象,就án-ne马上去通报扫罗。会有chit种景象ê原因,当然kah上帝引起ê地动有密切关系,因为只有tī强大ê地动之下,马匹chiah会惊惶大声呼叫,而且会用力挣扎beh脱离繮绳奔逃。Koh加上约拿单kah伊ê侍卫,刣死了二十个非利士人ê士兵,hō͘非利士人koh khah心慌焦急kah不安。Á chit时扫罗下令清查人数,伊可能mā担心家己ê部队会受tio̍h敌方ê影响,所以想先查清楚到底是甚么人无tī营区。结果竟然查出是家己ê kiáⁿ约拿单kah伊ê侍卫。

第18到19节,chia讲扫罗ài祭司亚希亚「Kā以弗得捧来」,这是因为tī以弗得顶面安tio̍h「乌陵」kah「土明」,thang用之来询问上帝ê旨意(参考民数记廿七:21)。Á chit-má亚希亚穿插以弗得,而且tī基比亚营区。因为án-ne,扫罗叫亚希亚来,为tio̍h是beh想透过祭司询问上帝ê旨意。M̄-koh后来koh放弃,无koh询问à。扫罗看tio̍h是攻击非利士人ê大好机会,就无想beh koh再问上帝,这mā表示tī伊心中,上帝已经渐渐无koh重要à。

第20到23节,扫罗利用非利士人阵营大乱ê时,进攻非利士人阵营,而chit时,原本担心而bih起来ê,包括原本已经背叛非利士人ê,看tio̍h情况大好,lóng转向kah tī扫罗chit-ê边。这lóng teh表示:chiah-ê临时转向ê人,ná亲像扫罗仝款,看见机会来临,就bē记得需要上帝仝款。
重新查询 专卷研经 撒母耳记上系列
错误回报,请联系comm[@]fhl.net