撒母耳记上 12章1节 到 12章12节   背景资料  上一笔  下一笔
第十二章mā ē-sái讲是先知撒母耳「退休」ê告白,ná亲像约书亚tī往生chìn前对以色列人民最后ê忠告仝款。chit-má先知撒母耳一再叮咛以色列人民,一定tio̍h专心事奉上主,遵守他ê诫命,án-ne chiah ē-tàng保有上帝所赏赐hō͘ in khiā起ê土地。为tio̍h beh表示伊所讲ê话是thang信ê,先知撒母耳iáu施行一pái神迹,来显示伊所讲ê话lóng实现à。

Chit段经文是先知撒母耳用以色列人出埃及ê历史,hō͘ in知影选择君王所呈现出来ê信仰问题。Chia虽然无写出是tī甚么情形之下聚会而讲ê,m̄-koh真可能kah重要节期有关,chit点thang tùi第17节所讲ê「旱季」看出,是tī收割ê季节,mā可能就是「五旬节」ê时chūn,民众聚集相当chē,真chē远地ê以色列人,lóng会相聚到当时ê敬拜中心—米斯巴,献上「初熟ê果子」hō͘上帝(参考利未记廿三:9—11、14)。

第1到3节,先知撒母耳表示伊已经为以色列人选出一位新ê王。chit-má伊自认是「已年老」。第3节是非常特别ê一节经文,先知撒母耳为甚么会提出chiah-ni̍h严肃ê问题,tio̍h以色列人指出伊有无犯错?伊提出几个问题:一是贪婪、二是欺骗、三是收受o͘-se。Chit三项其实lóng是teh指tio̍h一点:诚实。先知撒母耳认为家己真诚实地teh带领in。因为án-ne,伊问以色列人民是m̄是有发觉伊犯了顶面所讲三件事,若是有,thang tī新王ê面前控告伊。伊án-ne讲是为tio̍h beh表示家己是真清白ê卸下领导者ê地位kah角色。伊会提出ê chiah-ê问题,真可能teh暗示以色列人民中间有人控诉伊kiáⁿ有顶面所讲chiah-ê不正当ê行为,是kah伊有关系。Á伊chit-má beh表明ê是:如果伊ê kiáⁿ真正犯chiah-ê事,是kah伊有关系,伊愿意接受新王ê制裁kah惩罚。

第4到5节,民众m̄-nā当场表示in承认先知撒母耳确实是清白,而且用chiù-chōa ê语句表明in对先知撒母耳的确信。

第6到8节,先知撒母耳真清楚tùi历史经历来提醒以色列人民,伊先tùi上帝拣选他ê奴仆摩西kah亚伦带领in ê祖先出埃及,这是上帝所行ê奇妙神迹。伊若是beh hō͘以色列人民知影谨记出埃及ê历史,chiah会hō͘ in知影保存感恩ê心,ài会记得in今á日ē-tàng有chit片迦南土地thang khiā起,就是上帝特别ê恩典。

第9到12节,续落来先知撒母耳beh「指控」以色列人,讲in不时bē记得上帝以及kah上帝ê誓约,而弃sak上帝,去拜别ê神明(参考士师记二:10—13、18—19),mā因为án-ne chiah会有外族人,包括非利士人、摩押人,kah夏琐城ê将军带领军队来攻打in,这mā是in承认ê事。当以色列人民tī异族统治之下受苦ê时,in呼求上帝,上帝就差遣「基甸」、「巴拉」、「耶弗伊」等士师带领in,hō͘ in有平安ê日子thang过。M̄-koh chit-má为tio̍h beh抵抗亚扪王the̍h辖ê攻击,竟然是要求先知撒母耳为in立一个王,只是为tio̍h beh chhōe人领导in抵抗外族人ê侵犯(参考撒母耳记上八:20、九:16)。先知撒母耳认为这是因为以色列人民已经对上帝ê带领、庇护,会失去信心ê缘故,所以chiah会提出chit-ê要求。

重新查询 专卷研经 撒母耳记上系列
错误回报,请联系comm[@]fhl.net