撒母耳记上 11章1节 到 11章7节   背景资料  上一笔  下一笔
第十一章主要是teh回应第十章27节所记载ê,tī以色列人中间,有人因为抽签选出来ê第一位国王是扫罗而感觉不满,认为伊无法度「救」以色列人民脱离敌人ê手。Chit章就是teh说明只要是上帝拣选ê人,必定有能力带领上帝ê子民脱离敌人ê压迫、攻击。因为上帝会kah他所拣选ê人同在,hō͘伊有能力完成被拣选ê使命。

扫罗虽然已经被抽中选立为以色列人民ê国王,m̄-koh伊并无王宫á是特定ê所在执行伊做国王ê工作,却是和平常仝款,继续tī田里工作。这可能kah in过去从来无过君王制度有关。Koh讲,当时以色列人民要求设立国王ê主要目的,是为tio̍h beh相刣(参考八:20、九:16)。因为án-ne,平时若是无战事,国王ná亲像平民一般过生活。

第1到3节,chit段经文记载亚扪人beh攻打以色列人民khiā起ê基列境内ê雅比城。而且in ê态度傲慢,高傲到连hit-ê城人民想beh投降,mā得每一个人挖出一只目睭当做投降条件,是非常残酷。为tio̍h投降而挖掉正目,m̄-nā是一种凌辱,koh khah严重ê,是hō͘ in失去作战ê能力,因为使用弓箭需要用正目。雅比城ê长老要求宽限七工去请求援助,如果无结果chiah接受the̍h辖ê统治。

第4到7节,扫罗tī圣神感动充满下,马上hō͘伊tùi一个作穑人,成做一个正港ê军事领袖。伊决定带领以色列人民去kah亚扪人相刣。为tio̍h beh激励以色列人民,伊宰刣两头牛,除了当献祭之外,mā teh表明所有ê以色列人民lóng一定tio̍h参与相刣,这是关系tio̍h kui个民族生存ê要件。Tio̍h注意ê是第7节,chia讲上帝ê震怒hō͘以色列人民惊惶,chia ê「震怒」mā thang当做「惊惶」来解释。意思是上帝hō͘以色列人民lóng意识tio̍h:这是生死存亡ê关键,kui个民族可能会沦为残废ê奴隶,是in有尊严生存落来ê一pái机会,进一步koh激发出连结ê强烈意念。果然,以色列人民lóng「同心合意出来应战」。

重新查询 专卷研经 撒母耳记上系列
错误回报,请联系comm[@]fhl.net