彼得前书 3章12节 到 3章22节   背景资料  上一笔  下一笔
Chit段经文读起来确实真熟悉,因为tī使徒保罗ê书信中mā有chit方面真清楚ê教导(参考罗马书十二:17—21)。Chit段经文mā ē-sái讲是kā问题焦点拉tńg来到教会chit-ê信仰大家庭中来,基本上,作者khah强调ê是:如果tī一间以信仰做基础建造起来ê教会,如果无亲像一个家庭hit种,亲如家庭中ê兄弟姊妹一般,chit种教会就真难得有甚么好ê见证。

Koh讲,chit段是继续teh谈有关善kah恶之间ê行为。Á tùi chit段经文hō͘咱koh khah清楚,作者用「善」teh表示对上帝有够额ê信心,宁可为因为信耶稣基督而忍受一切ê迫害。相对ê,「恶」就是teh指hiah-ê迫害基督徒ê气力。因为án-ne,chit段经文就koh khah清楚指出tio̍h忍受一切ê迫害,用koh khah坚定kah温和ê态度,hō͘ hiah-ê迫害者知影见笑。Ná亲像tī前一段提起对hiah-ê迫害者,tio̍h用koh khah chē ê疼心来感化in,ná亲像一个嫁hō͘非基督徒ê cha-bó͘-gín-á,tio̍h用疼来感化伊ê丈夫仝款。chit-má作者进一步提起tio̍h鼓励hiah-ê受tio̍h迫害ê基督徒有koh khah明确ê行动,来表明家己即使受tio̍h迫害,mā thang坚忍落来,因为知影chiah-ê受tio̍h迫害所带来ê苦难,lóng有上帝ê旨意在其中。

第8节,使徒行传记载siōng早教会团契形成ê时,大家lóng是「同心合意」ê聚集做伙tī教会里,chit种「同心合意」ê聚集做伙是为tio̍h beh敬拜上帝,并且过完全分享ê生活,in活出亲如兄弟姊妹般ê大家庭样式(参考使徒行传二:43—47、四:32—35)tī chia,作者tī信仰ê团契里,大家lóng tio̍h「同心,互相同情,亲如手足,以仁慈谦让(jiōng)相待」,这会比出世tī仝一个家庭ê亲人koh khah亲密。

第9节,chit节thang参考罗马书第十二章14节使徒保罗讲ê话。

犹太人久长以来传承自摩西律法ê教示,就是:「目睭赔目睭,嘴齿赔嘴齿,手赔手,脚赔脚,烧赔烧,伤赔伤,phah 赔phah。(全民版)」(出埃及记廿一:24—25)M̄-koh chit种观念并无为in带来和平,反tńg是带来koh khah chē ê报复kah仇恨。这mā是为甚么耶稣基督教导他ê门徒是完全无仝款,伊ài众门徒tùi「bē-tàng向欺负lín ê人报复」(参考马太福音五:39)做起。伊甚至讲:

「人若 kā 你控告,behài 你 ê 内衫,tio̍ h 连外衫 mā 放 hō͘ 伊。若有人强迫你背伊ê 行李行一里路,tio̍h kah 伊行两里路。 若有人对你求甚么,tio̍ h hō͘ 伊。若有人 beh kā 你借甚么,m̄ -thang kā 伊拒绝(全民版)」(马太福音五:40—42)

作者tī chia强调另外一个基本概念,人被拣选出来成做基督徒,就是siōng大ê福气。因为hō͘ 上帝拣选ê人,就是上帝ê奴仆,mā是上帝ê同工,这是一种极大ê荣耀,而被拣选是上帝hō͘基督徒siōng大ê恩典,m̄-koh chit种恩典并m̄是beh hō͘基督徒独享ê,而是beh分享hō͘别人ê,若无,被拣选做上帝ê奴仆、同工就失去意义à。基督徒就是beh带上帝ê祝福hō͘别人,却m̄是beh诅咒无欢喜ê对象。Beh hō͘人因为有基督徒在身边,而得tio̍h上帝ê福气。

第10到12节,chit段经文是引用诗篇第三十四篇12到16节。
作者强调若是想beh过好日子,享受人生ê喜乐,就需要禁止「嘴舌讲pháiⁿ话」。无错,嘴舌若是无用来歌颂上帝,却是用来诅咒别人ê时chūn,án-ne就kah上帝原本创造ê本意颠倒。第11节ê「行善」kah「追求和平」是对称ê句型。这是讲ē-tàng hō͘纷争消除,就kah做善事仝款。基督徒是hō͘拣选出来ê族群,就是为tio̍h beh见证上帝拣选ê疼。Á爱chiah是带领人接近上帝、认bat上帝siōng好ê方法。第12节讲上帝会「看顾义人」并且「垂听」祈祷ê声音。Chit节所讲ê「义人」,就是teh指kah上帝保持和好关系ê人,chit种人mā就是第11节所讲促进和平ê人,因为chit种人kah上帝ê关系ná亲像老父kah子女之间ê关系。

第13到14节,chit两节thang参考以赛亚书第八章12节、第五十章9节。
作者Tī chit节提起「mài惊人ê威胁」,ná亲像耶稣基督tī路加福音第十二章4到5节所讲ê,m̄免惊人,因为人只有ē-tàng迫害人ê肉体。Tio̍h惊ê是当kā人ê性命夺行了后,koh thang kā人下在地狱中ê上帝。原因是人ê生kah死lóng掌握tī上帝手中,他是咱性命ê主宰。

Chia「为义受苦」ê「义」,是teh指上帝拯救ê信息。Thang参考马太福音第五章10到12节耶稣基督tī山上宝训中ê教导。希伯来书ê作者mā用仝款ê话鼓励当时tī受苦中过日子ê信徒,ài in ài有坚定ê信心。信心是得救ê基础。Ē-tàng坚持到最后,就ná亲像通过性命ê测验仝款,thang得tio̍h上帝来自天顶ê奖赏。

第15节,chit节引用以赛亚书第八章13节,hi̍t节ê经文背景是tī犹大王亚哈斯ê时代,he是tī主前第735年左右,有强大ê亚述帝国威胁tio̍h,tī犹大ê以色列人心中惶惶不安,m̄知该怎样办chiah好。先知以赛亚ài亚哈斯王记tiâu只有上帝chiah是需要「惊惶」,其他来自人ê方面之迫害、威胁lóng thang m̄免惊惶。

Ná亲像án-ne,chia作者认为基督徒koh khah应该清楚知影,耶稣基督chiah是咱信仰ê中心,性命中ê一切就是用伊为主,因为án-ne,真正teh beh「敬畏」ê对象是耶稣基督。

第16节,彼得前书ê作者就tī chia提起,当有人来询问有关信仰ê内容ê时,tio̍h随时知影用「谦恭温和ê态度回答」对方,hō͘询问ê人知影:基督徒并m̄是亲像传言中ê妖魔鬼怪á是猛兽一般ê惊人,beh hō͘别人有好印象,hō͘ hiah-ê专门毁谤基督徒ê人感觉惭愧。

第17节,chit节经文是古代社会流行ê一句箴言,本来ê话语是:「宁可做好事受苦,mā m̄-thang因为做pháiⁿ事被责罚。」作者tī chia加上ê一句「出tī上帝ê旨意」khǹg tī「做好事受苦」了后,表明一个基本信仰观念:若是因为信仰而受苦难,这其中必定有上帝ê旨意在内面。

第18到22节,chit段经文thang看tio̍h作者提供给几个重要ê信息:
一是耶稣基督ê拯救一pái就完成à。这是一个真重要ê信仰认知,因为耶稣基督就是上帝ê「独生kiáⁿ」,是惟一ê,无其他代表。上帝就是beh用耶稣基督来进行一pái全体ê大拯救。而且所用ê方式,mā是siōng残酷ê记号—十字架。

二是耶稣基督ê拯救,乃是beh kā罪人「带到」上帝ê恩典面前。圣经讲上帝是满有恩典、慈悲ê上帝,tī上帝ê内面,满有救恩(参考诗篇一○
三:8—12)。这充分说明一件事:有耶稣基督ê救恩,罪人ē-tàng面对tio̍h上帝ê审判。耶稣基督m̄-nā成做罪人ê保证者,伊mā承担了罪tī十字架上ê惩罚。

三是耶稣基督ê拯救,是hō͘人得tio̍h永恒ê性命。Chit点mā是kui本约翰福音信息ê中心,就是tī耶稣基督内面,会得tio̍h永恒ê性命(参考约翰福音三:16),m̄是亲像肉体仝款,会死去、腐pháiⁿ ê。Chit-má koh活ê性命会是永远ê,因为无koh有败坏,mā无koh有罪ê缠绊。因为án-ne,tī耶稣基督内面有永恒ê性命,chit点mā是基督教信仰kah其它宗教信仰之间siōng大ê差别。

四是藉tio̍h洗礼hō͘信靠耶稣基督ê人kah救主耶稣相连结。这mā是tùi第19到22节siōng中心ê思想。因为án-ne,早期教会就是kā洗礼看做是非常重要ê信仰告白。

彼得前书作者tī chia强调真当teh审判人性命ê,并m̄是chiah-ê在世间ê统治者,却是坐tī上帝正pêng ê耶稣基督,伊已经koh活升天到上帝hia,得tio̍h审判ê权柄。Á洗礼就是一种性命ê记号,每一个受洗ê人lóng有特别ê记号。注意这记号就是teh指洗礼讲ê,因为洗礼已经kah割礼有区别,割礼是身躯上ê记号,洗礼是性命ê告白,因为是奉耶稣基督ê名受洗ê(参考马太福音廿八:19)。

重新查询 专卷研经 彼得前书系列
错误回报,请联系comm[@]fhl.net