Chit段经文讲述先知以利亚tú-tio̍h先知以利沙ê经过。

第19到20节，tī上帝交带ê三件工作中，以利亚tāi先达成第三件，就是膏立先知以利沙。当伊离开何烈山后，就tú-tio̍h「沙法ê kiáⁿ以利沙」，hit时伊当teh放牛。先知以利亚kā家己ê衫裤moa tī以利沙身上，用chit种动作表示膏立以利沙，hō͘伊成做先知，续接以利亚ê工作，同时mā是用chit种方式teh表示kā家己ê能力，转移到以利沙ê身上。就án-ne以利沙马上就向全家辞行，跟tòe了先知以利亚。

第21节，以利沙tńg去向全家辞行ê时chūn，mā同时表示beh放弃所有过去ê工作，伊宰了一对牛，续落来是kā牛ê枷担当柴火烧了煮了，并且kā牛肉分hō͘大家食，了后就跟tòe先知以利亚去à。彼得kah安得列、雅各kah约翰mā是án-ne，in听tio̍h耶稣ê呼召，就放落渔网kah全家，跟tòe了耶稣（参考路加福音五：11）。