Chit段经文是关系回乡ê祭司、利未族人ê概况。

第10到13节，chit段经文是关系祭司族群回乡khiā起tī耶路撒冷ê。In共计有「一千七百六十人；in lóng真gâu处理圣殿ê事务」，因为án-ne， ē-tàng真紧to̍h帮助以色列人民办理献祭ê各项敬拜事宜。Chia记载六个家族领袖，包括有耶大雅、耶何雅立、雅斤、亚萨利雅、亚大雅，kah玛赛等。In lóng是属tī第一批tùi巴比伦回乡ê祭司群。

第14到16节，chia提供七个宗族ê名称，这七个宗族中，有四个是有家族谱系背景，包括有示玛雅，伊是属tī米拉利宗族；玛探雅，伊是属tī亚萨宗族；俄巴底，伊是属tī耶杜顿ê宗族；比利家，伊是属tī以利加拿 ê宗族等，另外有三个助手，就是拔巴甲、乌勒施、迦拉等。