历代志上 5章18节 到 5章26节   背景资料  上一笔  下一笔
Chit段经文提起有关tī约旦河东岸chit两个半支派ê战果,以及东玛拿西支族成长ê情景,kah in后来lóng因为弃sak上帝,遇tio̍h亚述ê入侵,并且kā in俘掳伊去而解体。

    第18到22节,chit段经文是关系包括吕便、迦得kah玛拿西半支族等chit两个半支族tī东岸发展ê情形。作者用「in信靠上帝,向伊祈求帮助」chit句话,来表明早期ê祖先因为出埃及、入旷野,以及后来进入迦南地,亲身体验到上帝带领ê慈爱,因为án-ne tī信仰上有真好ê见证(参考士师记二:7—8)。

Chit段经文讲in联合去攻打夏甲族人kah in ê盟国,结果是大胜凯旋,m̄-nā án-ne,iáu夺取chiah-ê盟国真chē ê战利品,包括有「五万只骆驼,二十五万只羊,两千匹驴á,koh俘虏了十万人」,这真正是非常庞大ê数目。Koh khah重要ê,是扩展了边界。

第23到24节,chit两节特别提起东玛拿西支族ê发展,确实是有得tio̍h上帝ê赐福,因为án-ne「in人口增加真紧」,mā出了真chē领袖,而且lóng是勇敢善战ê军人。

第25到26节,可惜ê是,下一代ê kiáⁿ孙并无亲像chiah-ê早期进入迦南地ê祖先hit种敬畏上帝,in tī信仰上弃sak上帝(参考士师记二:10—15)。圣经作者一再提醒,弃sak上帝等于自chhōe灭亡仝款。上帝hō͘亚述帝国入侵约旦河东岸这两支半族ê土地(参考列王记下十五:29),iáu俘虏了in远离故乡,去tòa tī「哈腊」等地(参考列王记下十七:5—6),这年代大约是tī主前733年。后来,亚述koh tùi外国迁徙真chē人民进tòa tī chiah-ê原本以色列人民khiā起ê城镇,hō͘伊通婚(参考列王记下十七:24),有所讲ê撒马利亚人出现。

重新查询 专卷研经 历代志上系列
错误回报,请联系comm[@]fhl.net