Chit章记载ê lóng是大卫ê kiáⁿ孙。名单ê来源kah撒母耳记下第三章2到5节有关。Mā tùi chit份族谱名单，thang看tio̍h大卫娶ê bó͘ kah细姨mā bē少。

Koh讲，mā thang án-ne了解：大卫就是以色列人民siōng期待看见ê一个标准形象，mā因为án-ne，伊ê族谱就成做犹大家谱ê主轴，chit点tùi chit章经文mā thang看出来。Chit章ê族谱mā是延续第二章10到17节。Thang kā chit章分做三个段落来看，一是大卫ê厝（第1到9节）；二是以色列君王（第10到16节）；三是hō͘掳tńg来归后ê家族谱系（第17到24节）。

这经文是记载大卫tī希伯仑被膏立为王ê时，伊ê bó͘-kiáⁿ名单，以及后来伊当全以色列民族ê王后，tī耶路撒冷出世ê gín-á名单。

第1到4节a，chit段经文记载大卫tī希伯仑时代，所娶ê 妻妾所生ê六个kiáⁿ，chit份名单对照撒母耳记下第三章到5节来看，就会发见有kóa差别。

Chia讲第二个kiáⁿ是「但以利」，m̄-koh tī撒母耳记下写ê是「基利押」，而且kah迦密人拿八ê遗孀亚比该所生ê，kah历代志chia所讲ê「母亲是玛迦，基述王达买ê cha-bó͘-kiáⁿ」真无相仝。

Koh讲，chia强调大卫tī希伯仑生chit六个kiáⁿ，hit时伊tī希伯仑统治七年半ê时间，北部是由扫罗ê kiáⁿ他施波设所统治tio̍h，m̄-koh kan-taⁿ两年，后来就因为他施波设ê手下大将押尼珥投靠大卫，而瓦解了北pêng政权，大卫因为án-ne成做全以色列民族ê统治者，mā kā政权中心转移到耶路撒冷去（参考撒母耳记下第三到五章）。

第4b到9节，chit段经文是tùi大卫tī耶路撒冷统治三十三年讲起，tī he段时间里，伊mā有娶bó͘生kiáⁿ。作者讲伊大部分ê kiáⁿ lóng是tī耶路撒冷执政期间生，siōng出名ê一个细姨就是拔示芭，he是大卫犯淫乱罪ê细姨，生所罗门，后来继任大卫统治以色列民族。

Chia讲拔示芭替大卫生四个kiáⁿ。另外iáu有九个kiáⁿ，就无写出chiah-ê kiáⁿ ê母亲是甚么人。Á值得注意ê是tī第9节加上一句讲：「大卫iáu有tùi妃嫔所生ê kiáⁿ。伊mā有一个cha-bó͘-kiáⁿ，名叫她玛。」这并m̄是讲伊只有她玛一个cha-bó͘-kiáⁿ，却是chit-ê她玛kah押沙龙是同母，因为被暗嫩（大卫ê大kiáⁿ）强暴并且遗弃，押沙龙为tio̍h替小妹出气，刣死了暗嫩。换句话讲，写出她玛ê名，是因为伊发生chit件受辱ê事。

Tùi chia，就ē-tàng看出大卫确实是娶真chē bó͘ kah细姨，tùi chia ē-tàng看出而且明白撒母耳记下第十二章1到15节a记载先知拿单去对谴责大卫ê话ê背景。