Chit段经文是亡国了后tī巴比伦时代，以及tńg来国内后ê族群发展。特别是tī约雅斤了后，就无所谓继承老父ê「王位」ê情形发生。

第17到20节，chit段经文中ê第19节提起比大雅有两个kiáⁿ，其中一个名叫「所罗巴伯」，伊就是tùi巴比伦回乡运动中真重要ê干部之一。Tī以斯拉记第五章2节讲伊是「撒拉铁ê kiáⁿ」，这是有可能因为兄哥撒拉铁早逝，比大雅娶兄嫂ê关系。

第21到24节，chiah-ê lóng是回乡了后ê族谱名单，主要teh说明犹大支族ê人回乡者众，mā因为án-ne以色列民族往往hông称做「犹大人民」。因为其他支族ê人差不多m̄是被卖为奴，就是逃走到附近各国，甚至隐姓埋名à。