历代志上 27章1节 到 27章24节   背景资料  上一笔  下一笔
Chit章主要是说明大卫当政ê时ê内政kah军事管理组织。Mā tùi第1节kah第25到31节thang看出,大卫王朝时代ê兴盛,确实是空前绝后ê黄金时代。第32到34节讲出大卫王有真好ê智囊团teh帮助伊料理国家大事。其实thang án-ne了解:一个君王强弱,并m̄是伊个人是m̄是能干而已,却是伊ê身边有真chē好ê参谋、智囊团teh帮助,若无,就算有真好ê个人才华,mā是枉然。大卫王ê成功,就是除了有真好ê信仰根基外,伊mā真ē-tàng善用人才来协助伊。

除了圣殿ê大细事务外,大卫王并无bē记得国防事务。无安定ê国家,就无办法kā耶路撒冷kah圣殿守卫稳妥。

M̄-koh读chit章经文mā会感觉奇怪,因为头前谈ê lóng是kah耶路撒冷圣后面有关,甚至tī第廿八到廿九章mā是记载关系圣殿,却tī chit章忽然讲tio̍h军事顶面ê人事,kah-ná这可能突显出以色列民族是一个以宗教治国ê民族,即使军事ê问题,mā需要宗教ê基础。大卫每pái出兵chìn前会先询问上帝ê旨意,就是真好ê例。

第1节,chit节提起以色列各家族族长,以及率领千人kah百人ê军官,kah行政官员,每年按月轮流值班。每组人数是两万四千名,chit种数目是真坚强ê。Mā显示了大卫王时代ê军事武力非常有实力。

第2到15节,chit段经文是关系十二支族中,属tī军事代表出来轮值ê名单。

第16到22节,chit段经文是各支族派出来ê官员,办理行政事务ê代表,mā是仝款每一个支派lóng一定tio̍h有人。

第23到24节,注意第24节chia所讲ê,上帝因为大卫调查户口ê事,严厉惩罚以色列人民(参考撒母耳记下第廿四章)。大卫ài beh进行调查chìn前,约押确实有表示异议,m̄-koh不被大卫接受。不过第23节特别强调,讲大卫无调查未满二十岁以下ê人数有jōa-chē,是因为上帝应允beh赐福hō͘以色列人民ná亲像亲像天顶ê星hiah-nih-chē人。其实,tùi早期以色列文化中,就是只有统计年满二十岁以上ê人,而且有作战能力ê cha-po͘人才列入统计人数ê对象。换句话讲,身躯活动上有困难ê,就算年满二十岁以上,mā不列入tī人口名单中间。

重新查询 专卷研经 历代志上系列
错误回报,请联系comm[@]fhl.net