历代志上 26章1节 到 26章19节   背景资料  上一笔  下一笔
头前讲tio̍h除了圣殿礼拜ê时ê音乐外,利未人mā tio̍h负责看守圣殿ê门禁事务。门禁工作mā包括看守所讲ê「圣殿宝库」。「宝库」,这是teh指相战得胜ê时得tio̍h ê战利品,有金银财宝,以及以色列人民献祭ê时一切贵重ê财物等。另外,in mā tio̍h办理行政工作,以及替人排解纠纷。

    Chit段提起关系圣殿守卫ê工作,ná亲像头前一再重复叙述ê,一定tio̍h用抽签ê方式来决定看守ê位置、时间等等。

    第1到3节,chit段经文绍介ê是可拉族,thang利伊ê kiáⁿ米施利米雅了kiáⁿ孙七个宗族名单。

	第4到8节,chit段经文是绍介俄别・以东ê族谱,伊是大卫王第一pái搬移约柜失败ê时,bat kā约柜暂khǹg tī in tau,结果上帝大大赐福hō͘伊。Chit-ê宗族共计有六十二名lóng是真能干ē-tàng胜任圣殿守卫ê工作。尤其是以利户kah西玛迦chit两个家族特别优秀。

第9到11节,chia提起两个宗族,包括有米施利米雅,这宗族有十八名ē-tàng胜任守卫圣殿ê工作,而tī米拉利宗族有何萨chit家族出现十三人作圣殿守卫。

第12到19节,chit段经文讲chiah-ê圣殿守卫mā分做kúi-nā组,不管chiah-ê派出来ê宗族代表是大á是小,lóng是用抽签来决定看谁beh守护tó一个门口,á是储藏室。Chia特别提起示利米雅ê kiáⁿ撒迦利雅是一个「精明ê参谋人才」,chit句话真清楚teh表明对tī看守圣殿ê真chē细节,lóng kah伊有密切关系。

重新查询 专卷研经 历代志上系列
错误回报,请联系comm[@]fhl.net