历代志上 22章11节 到 22章19节   背景资料  上一笔  下一笔
这是大卫王kā所罗门讲有关建造圣殿ê第二段话。

第11到12节,chit两节是hō͘所罗门ê祝福,祈求上帝照所许ê诺言,赐福hō͘所罗门,án-ne伊tī建造圣殿ê工作上就ē-tàng顺利完成。

第13到16节,大卫王除了鼓励所罗门外,mā同时hō͘所罗门知影伊已经准备好势ê,除了头前有叙述石材、木材,chia则特别提起建造圣殿,准备「三千四百公吨金子kah三万四千公吨ê银á」,这是非常庞大ê经费,可见建造圣殿用七年时间,准备ê时间mā不短。Koh讲,chit种财力mā teh表示大卫王时代ê以色列国,国势确实是非常强盛,经济能力真富裕。大卫mā表示伊所准备ê建材可能无够,ài所罗门一定tio̍h继续准备。Mā就是一面建造,一面准备。

第17到19节,chit段话是对所有以色列ê众领袖讲ê,ài in帮助所罗门兴建圣殿ê tāi-chì外,mā劝勉in一定会「全心全意事奉上主—lín ê上帝」。伊ài所有以色列众领袖用兴建圣殿来表达对上帝ê感恩,而圣殿ê用意mā是kā约柜安置tī内面。因为约柜teh代表上帝ê同在。

其实,chit章mā teh说明一件事:无人有资格建造上帝ê圣殿,大卫王ê手上沾满人ê血,虽然伊是一个真善战ê勇士、谋士,hō͘以色列国tī伊ê任内,扩疆辟土,外国臣服ê真chē,m̄-koh,却mā因为án-ne kah神圣、慈爱ê上帝本质无符合。Á所罗门则能力不足,虽然伊拥有ê智慧hông称做世间无人thang比(参考列王记上四:29—34),m̄-koh对圣殿建造ê思考、策划能力却是需要大卫ê辅佐。

重新查询 专卷研经 历代志上系列
错误回报,请联系comm[@]fhl.net