Chit段经文记载大卫怎样用钱买来一块地，起造祭坛敬拜上帝，表示认错。Á chit块地就是后来建造圣殿ê用地。Chit段经文siōng重要ê是tī第廿二章1节，主要说明chit块phah麦场，就是建造圣殿ê所在，原因tī原本是上帝beh毁灭ê耶路撒冷城，chit-má则成做敬拜上帝ê所在，beh表明ê是「上帝有丰盛ê怜悯」（参考廿一：13）。

第16到17节，chit两节说明大卫kah长老lóng穿tio̍h麻衣，表示忏悔认罪，而就tī chit时chūn，伊看见teh执行上帝命令ê天使，正准备ài对耶路撒冷进行摧毁ê惩罚。Chit时大卫随时向天使求情，不beh hō͘人民受罪，伊承认家己做m̄-tio̍h去事，家己kah全家lóng愿意hō͘上帝惩罚。

第18到22节，天使转告上帝ê旨意hō͘先知迦得，ài伊去转告hō͘大卫王，ài大卫王去天使停留ê亚劳拿ê phah麦场。大卫王照先知迦得传hō͘伊ê信息，照指示去à。当亚劳拿看见大卫王行到伊ê phah麦场，chit时大卫王向亚劳拿表示beh购买伊ê phah麦场，伊一定会按照公定价钱买之。

第23到26节，亚劳拿听了后，m̄-nā ài kā chit片phah麦场送hō͘大卫，而且还愿意提供牛当做烧化祭。M̄-koh大卫m̄肯án-ne做，伊坚持一定会用买ê，因为伊无愿意奉献白白得来ê祭牲。因为án-ne，伊用六百块银á买了亚劳拿ê土地，然后tī he块土地顶面建造一座祭坛，tī chit祭坛顶献烧化祭和平安祭。

第27节到第廿二章1节，上帝就因为án-ne ài天使收起执行ê剑。Tùi án-ne大卫m̄敢koh再tńg去基遍敬拜上帝ê场所去敬拜上帝，因为伊惊天使惩罚伊。伊并且做一个真重要ê决定，ài tī向亚劳拿买来ê chit片土地顶面盖圣殿。