历代志上 21章1节 到 21章15节   背景资料  上一笔  下一笔
第廿一到廿二章是记载大卫准备建造圣殿ê事。历代志作者kā编撰ê重点提起约柜移进了耶路撒冷城,大卫一心一意就是想beh建造圣殿安置约柜。因为án-ne,圣殿ê建造成做历代志作者撰写ê主要目标。

第廿一章thang参考撒母耳记下第廿四章1到25节ê记事。上帝beh照顾以色列人民,撒旦则是beh hō͘以色列人民弃sak上帝ê话。Á人民是听从君王ê领导,因为án-ne,hō͘大卫带头犯罪,这就是撒旦ê主要目的。Siōng特别ê所在,是chia记载撒旦攻击大卫ê时chūn,并无亲像约伯记仝款,先走chhōe上帝ê同意。换句话讲,tī约伯记,撒旦mā是属tī上帝ê奴仆á是管辖者之一。M̄-koh tī chia,撒旦则独立行动者,无受创造者上帝ê掌控。它已经hō͘大卫完全m̄听伊ê部下约押ê提醒kah苦劝。

Chit段经文讲述大卫王tī军事行动上达tio̍h siōng颠峰ê时chūn,伊执意ài beh进行户口普查。虽然大将军约押一再劝大卫一定tio̍h保留chit-ê决策。M̄-koh大卫王显然听bē落去约押ê阻挡。执意ài beh进行人口调查。

第1到2节,历代志作者认为大卫会想ài beh进行全国户口普查ê原因,是hō͘撒旦附身之故,这表示大卫对上帝ê信心不够额,á是渐渐淡bē记得上帝赏赐hō͘伊ê恩典。

第3到6节,chit段经文讲大卫命令约押去执行chit项调查人口数目的决策。虽然约押有提醒大卫m̄-thang án-ne做,上帝会无欢喜。M̄-koh大卫执意beh án-ne做。结果调查出来,北部以色列中thang相战ê壮丁有一百一十万名,而南部有四十七万。Chit两个数目lóng kah撒母耳记下第廿四章9节所记载ê数字无仝;tī撒母耳记ê以色列是八十万,而tī犹大是五十万。M̄-koh调查中间,排除了利未支族ê人,因为chit族ê人tio̍h负责各区祭祀ê工作。Á便雅悯支族无进行调查,是因为chit支族已经非常弱小,人数真少。M̄-koh历代志作者认为真正原因是约押「无赞成王ê命令」,换句话讲,约押有意思beh抗命,因为伊劝大卫m̄-thang án-ne做,m̄-koh大卫听bē落去。
第5节所讲ê「ē-tàng相战ê壮丁」,对象是teh指年满二十岁以上ê男子(参考民数记一:3、20)。

第7到10节,因为chit件事m̄是上帝所欢喜,而大卫却执意beh去作。M̄-koh当chit件户口普查ê事进行结束后,大卫忽然感觉「心中不安」。为甚么会不安?chia并无解释。真可能是大卫有看tio̍h国内发生真chē灾难。因为án-ne,大卫承认家己犯错,祈求上帝ê赦免。Chit时chūn,上帝差遣先知迦得去见大卫,上帝决定beh惩罚伊,m̄-koh hō͘伊做选择看ài toh一种惩罚。
第11到12节,上帝beh用三种中间ê一种作惩罚,m̄-koh tī chit三种中间hō͘大卫王选择一种。Chit三种是:.三年ê饥荒;.三个月逃避敌军;三是三工ê瘟疫大量死亡。

第13节,大卫表示伊m̄知该怎样选择chiah好。因为伊清楚知影「逃避敌军」等于是phah败仗,因为án-ne伊讲无愿意hō͘人处罚。伊宁可接受上帝ê惩罚。因为伊知影上帝有丰盛ê慈爱(参考诗篇一○三:8—10)。

第14到15节,结果上帝用瘟疫惩罚以色列人民,chit pái有七万人死亡。另外原本ài beh进行毁灭耶路撒冷,上帝临时叫天使停落来,chiah kā耶路撒冷有保存落来。

重新查询 专卷研经 历代志上系列
错误回报,请联系comm[@]fhl.net