历代志上 2章1节 到 2章8节   背景资料  上一笔  下一笔
Tùi第二章开始直到第九章,小khóa注意一看就koh khah明显了,主要lóng是用犹大kiáⁿ孙所产生ê大卫家族为主轴所留落来ê族谱。

Chit份族谱主要就是tùi雅各讲tio̍h法勒斯ê希斯仑,然后beh tùi希斯仑ê kiáⁿ兰续接到耶西,准备接落去绍介耶西ê kiáⁿ大卫。

第1到2节,这是雅各ê kiáⁿ名单,thang参考创世记第三十五23到26节。

第3到4节,这是犹大ê五个kiáⁿ。头前三个是犹大kah bó͘「巴书亚」,tī创世记第三十八章2节是用「书亚ê cha-bó͘-kiáⁿ」。Chit-ê bó͘为伊生珥、俄南、示拉等。Chia讲「珥非常邪恶」,chit句话mā是引用创世记第三十八章7节。M̄-koh圣经作者并无说明伊做甚么邪恶ê事。Koh讲,创世记第三十八章记载ê,m̄-nā是「珥非常邪恶」而已,连「俄南」mā是仝款,无愿意尽兄弟ê责任,而且有贪婪ê心,结果mā受tio̍h上帝ê责罚死去。另外有两个kiáⁿ叫法勒斯kah谢拉,in lóng是因为犹大kah新妇她玛teh乱伦之下生落来ê kiáⁿ。

第5到8节,chit段经文是记载有关法勒斯kah谢拉ê下一代。Tī第7节特别提起有关「亚干」ê事件,thang参考约书亚记第七章18到26节ê记载,事件是发生tī约书亚chhōa以色列人民攻打耶利哥城ê时chūn。亚干因为贪心,致使上帝受气。结果造成以色列人民tī攻打艾城ê时chūn惨败,chit件事后来被发见是因为亚干私藏战利品引起ê结果,因为án-ne,约书亚kā伊判处死刑,民众用石头kā伊kah伊ê全家phah死,并且用火烧毁伊所有ê物件。

重新查询 专卷研经 历代志上系列
错误回报,请联系comm[@]fhl.net