历代志上 19章1节 到 19章19节   背景资料  上一笔  下一笔
Tùi第十九章1节到第二十章3节,chit段经文同时记录tī撒母耳记下第十到十二章。主要是teh讲述大卫tī战争上ê功绩,m̄-nā phah败亚扪人,mā hō͘叙利亚臣服tī伊ê统治下。不过chit段经文中却kā撒母耳记所描述大卫犯罪ê记事hō͘有省略。其实,历代志ê作者省略ê m̄-nā是chit片段而已,iáu有一kóa大卫王朝宫廷内真chē不名誉ê事件,包括撒母耳记下第十三章有关暗嫩kah她玛ê事件,以及押沙龙叛变ê事件等等。历代志ê作者之所以删除chiah-ê无好ê事件,主要是因为伊编撰此经册ê主题是teh凸显大卫确实是上帝忠实ê奴仆。

Koh讲,chit段kah亚扪人战争ê记录,thang分做三个阶段;一是大卫差派使者去安慰拿辖ê kiáⁿ哈嫩,结果使者却被侮辱,因为án-ne出兵攻打亚扪(第1到15节)。然后亚扪人结合叙利亚ê军队联合起来kah大卫ê军队对抗,koh失败了(第16到19 节)。第三个阶段是隔一年后,大卫ê军事将领约押率兵直攻亚扪人ê首都拉巴城,而且夺取真chē贵重ê战利品(第二十章1到3节)。

第1到5节,chit段经文ē-sái讲是亚扪人对大卫ê猜忌,认为大卫派兵四界去出征lóng phah赢,显然tī国王拿辖往生后,大卫派chiah-ê特使来对继任为王ê哈嫩表示关怀ê动作,kah间谍无甚么差别,亚扪ê chiah-ê幕僚认为chiah-ê特使根本就是来探亚扪ê虚实,准备ài进攻。亚扪ê新任国王哈嫩听从幕僚ê话,侮辱了大卫ê chiah-ê特使,kā in ê胡子剃掉,而且koh kā in ê衫裤割破,hō͘ in ê尻川斗露出来,然后chiah kā in驱逐出去,chit种方式对tī大卫ê特使是极大ê侮辱。

Chiah-ê特使被侮辱后,感觉非常见笑,m̄敢tńg来耶路撒冷,大卫就安排in khiā起tī耶利哥,thèng候in ê胡须发出来了后chiah tńg来耶路撒冷城。

第6到7节,亚扪人真清楚,chit种方式侮辱别国派来ê特使,必定会受tio̍h严厉ê报复。因为án-ne,in开了大笔ê钱(三万四千公斤银á)去雇用外籍兵团来协助国防ê工作。

第8到13节,大卫手下大将约押知影怎样带兵,伊挑选以色列siōng精锐ê部队去攻击叙利亚,然后kā另外一部分ê军队交hō͘伊ê小弟亚比筛带领攻打亚扪。伊兄弟两人有真好ê默契,beh彼此相呼应支援。

第14到15节,简单ê两节,讲出亚扪人ê军队逃逸,另外就是亚扪人用钱雇来相战ê叙利亚军队mā被phah到落荒而逃。

第16到19节,chit段经文是关系大卫亲自带兵去攻打叙利亚,chit pái m̄-nā痛击叙利亚,并且kā叙利亚军队ê元帅朔法mā刣死,chit pái哈大底谢m̄敢koh再拗蛮强烈抵抗以色列,伊来kah大卫和谈,表示愿意归顺以色列ê管辖,无koh支援亚扪。

重新查询 专卷研经 历代志上系列
错误回报,请联系comm[@]fhl.net