历代志上 11章10节 到 11章47节   背景资料  上一笔  下一笔
Chit段经文记载对王朝建立有功劳者ê名单。Chit段经文mā thang参考撒母耳记下第廿三章8到39节。Chia,历代志作者先hō͘ chit段记事作一个简介(第10节),然后chiah开始一一绍介。

第10到14节,因为大卫手下有勇士,而且lóng是忠心耿耿ê将领,因为án-ne,tī上帝赐福之下,伊所治理ê以色列国就日渐强壮。

Chit段经文先绍介大卫身边ê三个重要人物,包括有雅朔班、以利亚撒,m̄-koh无写出第三个,这第三个应该是「沙玛」。照撒母耳记下第廿三章11节ê记载,伊chiah是tī田里阻挡非利士人追杀以色列人民ê hit位勇士,却m̄是以利亚撒。撒母耳记ê作者讲以利亚撒kah大卫阻挡非利士人继续攻击后退中ê以色列人民,而且一直无停地挥动伊手中ê剑,直到手僵硬à。

第15到19节,chit段经文特别提起三位勇士,in为tio̍h大卫想lim伯利恒城门边ê井水,冒性命ê危险去取水来hō͘大卫lim,不过大卫m̄敢lim,因为he是众勇士用性命换来得来ê。因为án-ne,伊kā它献hō͘上帝。大大án-ne行正表示kā siōng好ê、siōng珍贵ê礼物献tī上帝ê面前。其实,chit-ê故事主要mā teh说明:大卫真正心意是真想占领伯利恒,因为占领了伯利恒,就ē-tàng lim hia ê水。对当时ê人来讲,拥有井水,等于拥有性命ê保障仝款。Ē-sái讲是,大卫ê部下并无完全明白伊ê意思。后来伊kā hiah-ê水献hō͘了上帝,mā是teh表明伊tio̍h用性命ê气力,攻入伯利恒。

第20到25节,tī chit段经文中,主要teh绍介另外几位英勇ê战士,mā是领导者。In就是约押ê小弟亚比筛,伊是「三十个勇士」ê首领。Tio̍h注意ê是「三十个勇士」,tī希伯来文圣经是用「三勇士」。第二位是比拿雅,后来伊就是大卫siōng-kài倚重ê侍卫长。Mā因为伊拥护所罗门继任为王,kah约押拥护亚多尼雅分边。后来所罗门继任为王了后,kā约押处死,升比拿雅接替约押当元帅。

作者teh描述大卫ê chiah-ê众勇士,m̄是因为气力ê强大成做勇士,却是因为in有聪明ê智慧,知影怎样对付比in koh khah强大ê恶势力,亲像亚比筛一个人ē-tàng对付三百个人(第20节);比拿雅ē-tàng tī坑里phah死一只狮、刣死一个埃及巨人。

第26到47节,这就是大卫身边三十个勇士ê名单。比较值得注意ê是,chit份名单中mā出现赫人乌利亚,大卫因为爱上伊ê bó͘拔示巴,而谋刣死chit位爱将(参考撒母耳记下第十一章)。而且值得注意ê是,tī chiah-ê勇士中,并无全部lóng是以色列人民,除了乌利亚是赫人外,mā thang看tio̍h洗勒是「亚扪人」、伊特玛是「摩押人」。Thang看出大卫有够额ê心胸,接纳外族人来加入伊ê军团,而且hō͘ in领军。

重新查询 专卷研经 历代志上系列
错误回报,请联系comm[@]fhl.net