创世记 27章1节 到 27章29节     上一笔  下一笔
12.第廿七章:
Chit章mā是由顶面所讲三种文献混合编辑而成ê。chit章mā是大家所熟悉ê有关以撒ê两个双生á kiáⁿ儿,以扫kah雅各两位兄弟之间ê问题。Chit一章之所以重要,是因为由此开始,创世记ê编者kā族长ê主轴开始引chhōa入雅各ê系统。Mā tùi chit一章开始,一直到创世记结束,创世记ê作者绍介雅各――koh称以色列kah伊ê家族之所以被拣选ê经过,以及怎样进入埃及,kah后来会án-ne有摩西受上帝拣选,去带领以色列人民出埃及ê事件背景,lóng记载tī第廿七到五十章chit段经文中。

13.第廿七章1到29节:
Chit段经文koh一pái说明以扫kah雅各兄弟之间冲突ê原因,kah雅各欺骗in父亲,夺取大kiáⁿ ê名分,引起以扫极度ê不满,á准备ài杀害雅各。
第1到4节,以撒准备ài kā伊ê财产传承hō͘伊「偏爱」ê kiáⁿ儿以扫。因为án-ne,伊ài以扫去准备伊siōng喜爱ê口味佳肴。

祝福,这mā讲出了一个重要观念:分离。老父年老时,为gín-á祝福,表示伊kah gín-á分离。

第5到10节,chit段经文说明利百加设计behkā丈夫以撒对偏爱ê kiáⁿ儿以扫ê祝福,抢夺到家己偏爱ê kiáⁿ儿雅各身上。关键ê经文是tī第8节,利百加ài她偏爱ê kiáⁿ雅各去做她a̍i伊去做ê事,就是用羊取代兄哥以扫猎取ê野味,thang欺骗以撒,夺取以撒ê祝福。

第11到17节,雅各提醒偏爱伊ê母亲利百加,chit种欺骗行为若是被老父以撒发现,m̄-nā得bē-tio̍h祝福,反却是带来诅咒。

M̄-koh利百加表示为tio̍h夺取chit份重要ê祝福,就算因为被发现á需要承担诅咒,伊mā愿意。这tú好说明父母鼓励gín-á作无正确ê事,甚至溺爱到愿意承受性命ê诅咒。「照我去做」(参考第8节、第13节、第43节),果然雅各就照tio̍h母亲去做。创世记作者beh表达一件事:人会犯罪ê基本原因,就是无照上帝去做,却是依照诱惑ê欺骗话语去做,像第三章蛇对人ê诱惑仝款。Mā因为án-ne,雅各足足有长到二十年时间,受尽伊丈人拉班ê欺骗、受苦。

第18到29节,chit段经文说明雅各果真tī母亲利百加ê设计下,成功地欺骗过、夺取到老父以撒ê祝福。

以撒为tio̍h beh防止家己因为年老、目睭chheⁿ-mê,确实真详细地检验雅各ê身分,chiah-ê详细ê检验,lóng teh说明过去家庭生活中,伊一再领教过雅各不断来欺骗。

第18到20节,这是以撒第一pái因为听觉所带来ê怀疑,理由是声音无像以扫ê。Á雅各用上帝ê名来欺骗以撒,伊kā家己ê欺骗行为,讲是上帝ê赐福。

第21到23节,这是第二pái以触觉检视雅各ê身分,因为看bē-tio̍h m̄-koh对声音有怀疑,因为án-ne,想用触摸身躯来辨别。因为以扫出世ê时, 全身lóng是毛(参考廿五:25)。M̄-koh因为利百加有tāi-chì先准备,用羊毛皮来欺骗看bē-tio̍h ê以撒。

第24到25节,这第三pái是用味觉来测试,伊透过询问认定身分,了后又ài雅各kā准备好ê肉the̍h hō͘伊食。

第26到27节a句,这第四次是用嗅觉来测试,以撒ài雅各用chim嘴来表示。
以上四次lóng因为以撒ê瞎眼á hō͘雅各ê欺骗成功。

第27节b句到29节,这是以撒对雅各ê祝福,tī chit-ê祝福中主要有三件事:一是天顶有甘露,二是地上有肥ê土地,三是成做领导者,mā就是大族长ê意思。


重新查询 专卷研经 创世记系列
错误回报,请联系comm[@]fhl.net