创世记 17章15节 到 17章22节     上一笔  下一笔
18.第十七章15到22节:
Chit段经文是kah撒拉会有娠生kiáⁿ有密切关系,mā是teh回应第1节上帝对亚伯拉罕所讲ê,他是一个全能ê上帝。

Ná亲像第5节上帝改了亚伯兰ê名字为亚伯拉罕,chit-má第15节提起上帝改了撒拉ê名字为「撒拉」,其实chit两个名字ê意思lóng是仝款,指ê是「公主」á是「王妃」ê意思。因为亚伯拉罕是万国之父,撒拉就有王后ê含意。

第16节特别提起上帝beh「赐福」hō͘撒拉,ná亲像头前所提起过ê,赐福表明ê就是有性命力,mā teh表示有延续性命、生育性命ê意思。

第17到18节,当上帝kā亚伯拉罕讲chit件事时,伊ê态度是怀疑ê,伊「偷笑」tī心底,伊tùi过去beh hō͘家己ê仆人来便利以谢继承家族,chit-má伊认为以实玛利kāthang做伊ê继承人,虽然是tùi婢女夏甲得tio̍h ê,mā算是伊亲生ê。M̄-koh全能ê上帝清楚知影亚伯拉罕ê心思意念。

第19到22节,上帝koh一pái向亚伯拉罕确定讲,撒拉一定会为伊生落来一个kiáⁿ,而且名字mā是由上帝命名,叫作「以撒」,意思是teh指亚伯拉罕「笑笑á」。以实玛利mā是由上帝命名,chit-má以撒mā是由上帝亲自命名,这lóng teh表示kah上帝之间有bē-tàng分开ê关系。

第19 kah 21节,上帝清楚表明beh坚守kah亚伯拉罕之间所立ê约,这约就是赏赐hō͘亚伯拉罕多子多孙,mā tio̍h赏赐hō͘伊迦南地作为后代kiáⁿ孙khiā起ê所在。

第20节,chit节表明上帝并无疏忽以实玛利,而且kā赐福以实玛利有chē kah「十二个kiáⁿ儿」,而且每一个kiáⁿ儿êkiáⁿ孙lóngkā成做部落、族群ê领导者。

第22节,是回应第1节所提起ê,上帝亲自显chit-má亚伯拉罕面前,他kā chit重大信息传hō͘亚伯拉罕了后,就tńg来到天顶去。这mā说明上帝kah亚伯拉罕之间有特别密切ê关系,chiah ē-tàng亲自面对面见tio̍h上帝。

重新查询 专卷研经 创世记系列
错误回报,请联系comm[@]fhl.net